Cellcard ជាក្រុមហ៊ុន ដំបូងបង្អស់ ដែលដាក់ឲ្យដំណើរ eSIM | សែលកាត

Cellcard ជាក្រុមហ៊ុន ដំបូងបង្អស់ ដែលដាក់ឲ្យដំណើរ eSIM

ថ្ងៃចេញផ្សាយ: ធ្នូ, ថ្ងៃ​ព្រហស្បតិ៍ 20, 2018

ថ្ងៃនេះ ក្រុមហ៊ុន Cellcard បង្ហាញពីគម្រោងដំណើរការសេវា eSIM ជាមួយដៃគូក្រុមហ៊ុនបច្ចេកវិទ្យាចិនដ៏ធំមួយមុនបំណាច់ឆ្នាំនេះ។

សេវា eSIM នឹងក្លាយជាកម្មវិធីទូរស័ព្ទ ដែលជាដំណោះស្រាយជូនភ្ញៀវទេសចរជនជាតិចិន ក្នុងការតភ្ជាប់សេវា ដោយពុំចាំបាច់ប្រើស៊ីមកាត  ជាមួយបច្ចេកវិទ្យា 4G LTE  ដែលទទួលបានពានរង្វាន់របស់ Cellcard ។

បច្ចេកវិទ្យាដ៏ថ្មីស្រឡាងមួយនេះ គឺជាផលិតផលមួយ ក្នុងចំណោមផលិផល ជំនាន់ទី៥ ជាច្រើនទៀត  ដែលក្រុមហ៊ុន Cellcard កំពុងត្រៀមជាស្រេច សម្រាប់បច្ចេកវិទ្យា 5G។

លោក អៀន វ៉ាត់សុន នាយកប្រតិបត្តិក្រុមហ៊ុន Cellcard បាននិយាយថា សេវា eSIM ដំបូងបង្អស់នេះ​ គឺជាការបោះជំហានដ៏ល្អមួយ នៅក្នុងគម្រោងរបស់ក្រុមហ៊ុន Cellcard សម្រាប់សេដ្ឋកិច្ចឌីជីថល នៅក្នុងប្រទេសកម្ពុជា។

លោកបន្ថែមថា៖ «អតិថិជនរបស់យើងនឹងមានឱកាសទទួលយកសេវាជាច្រើន ដែលនឹងផ្តល់ជូនពួកគេនូវ content  និងបទពិសោធន៍ថ្មី ជាមួយនឹងភាពកាន់តែងាយស្រួល»។

«eSIM គឺជាសេវាមួយក្នុងចំណោម​ សេវាជំនាន់ទី៥ជាច្រើនទៀត ដែលនឹងអាចដំណើរការ លើបច្ចេកវិទ្យា 4G LTE ដែលមានស្រាប់របស់យើង។ ដូចដែលយើងនាំយក ការសាកល្បងបច្ចេកវិទ្យា 5Gហើយបន្ទាប់មកបច្ចេកវិទ្យា 5G ហើយសេវាទាំងនេះនឹងពង្រីកសក្តានុពល ល្បឿន និង ភាពបត់បែនបានយ៉ាងរហ័សក្នុងការទំនាក់ទំនង និង ដំណើរការលើម៉ាស៊ីន ឧបករណ៍ និងប្រព័ន្ធផ្សេងៗ»។

ក្រុមហ៊ុន Cellcard នឹងចាប់ដៃគូជាមួយក្រុមហ៊ុនយក្សផ្នែកបច្ចេកវិទ្យា China-ASEAN Information Harbour (CAIH) ដែលជាអ្នកបង្កើតមួយ នៅក្នុងកម្មវិធី Digital Silk Road នៅខេត្ត Nanning កាលពីខែសីហាកន្លងទៅនេះ ខណៈពេលដែលក្រុមហ៊ុន Cellcard បានបង្ហាញពីចក្ខុវិស័យរបស់ខ្លួនលើបច្ចេកវិទ្យា5G។

លោក វ៉ាត់សុន (Watson) ក៏បានបន្ថែមទៀតថា៖ «ទេសចរជនជាតិចិន គឺជាអតិថិជនដ៏សំខាន់ ដែលកំពុងមានការកើនឡើងជាលំដាប់ សម្រាប់ប្រទេសកម្ពុជា ដែលពួកយើងត្រូវការបន្សុំាខ្លួន និងអភិវឌ្ឍយុទ្ធសាស្ត្រ លើវិស័យព័ត៌មាននវិទ្យា របស់យើង»។

«ពូកយើងត្រូវការ ការយល់ដឹងពីតម្រូវការ និងអាកប្បកិរិយា របស់ពួកគេ ហើយអាចឈរនៅ គ្រប់ទម្រង់បណ្តាញទំនាក់ទំនង របស់ពួកគេ»។

«សេវា eSIM នេះនឹងអនុញ្ញាតឱ្យយើងស្វែងយល់ កាន់តែប្រសើរជាងមុន លើផ្នែកមួយនេះ និង អាចបង្កើតសេវា នាពេលអនាគតរបស់យើង  ដើម្បីផ្តល់ជូនភ្ញៀវទេសចរចិន ដែលកំពុងមានការកើនឡើង ក៏ដូចជាប្រជាជនកម្ពុជា»។

អ្នកក៏អាចអានផងដែរ

មករា, ថ្ងៃ​សៅរ៍ 05, 2019

រាជធានីភ្នំពេញ ថ្ងៃទី 5 ខែមករា ឆ្នាំ2019៖ ក្រុមហ៊ុន Cellcard កម្មវិធីចាប់រង្វ...

ធ្នូ, ថ្ងៃ​អាទិត្យ 30, 2018

ក្រុមហ៊ុន Cellcard ដែលជាក្រុមហ៊ុនឈានមុខគេ និងបម្រើការយូរជាងគេនៅក្នុងវិស័យទូរ...

ធ្នូ, ថ្ងៃ​ពុធ 26, 2018

One lucky Cellcard customer who attended the Christmas Day prize giving cere...

ធ្នូ, ថ្ងៃ​អង្គារ 25, 2018

រាជធានីភ្នំពេញ ថ្ងៃទី25 ខែធ្នូ ឆ្នាំ២០១៨៖ ក្រុមហ៊ុន Cellcard ដែលជាក្រុមហ៊ុនទូ...