លែងបារម្ភពីការភ្ជាប់គម្រោង! អ្នកអាចផ្តោតអារម្មណ៍បានកាន់តែល្អជាងមុនលើកិច្ចការសំខាន់ផ្សេងទៀត!

គម្រោង Cellcard Executive​ គឺជាគម្រោងបង់ប្រាក់ប្រចាំខែ សម្រាប់​ពាណិជ្ជកម្ម​ បាន​បង្កើត​ឡើង​ដើម្បីផ្តល់ភាពងាយស្រួលបំផុតដល់អ្នក​ ​អ្នកអាចធ្វើការហៅចេញឥតកំណត់ទៅ​កាន់មិត្ត​រួម​ការ​ងារ ជាមួយគម្រោងអ៊ីនធើណិតធំជាងមុន​ អត្ថប្រយោជន៍ក្នុងប្រព័ន្ធ និង​ចំនួននាទី​ជា​ច្រើន​ទៀត​​សម្រាប់​​ធ្វើការហៅចេញទៅកាន់នរណាម្នាក់នៅក្នុងប្រព័ន្ធសែលកាត។

ជ្រើសរើស​គម្រោងចាប់ពី Basic រហូតដល់ Premium។ ណាត់ជួបបុគ្គលិកផ្នែកលក់របស់យើង ដើម្បីទៅជួបអ្នកផ្ទាល់នៅការិយាល័យនិងផ្តល់ព័ត៌មានបន្ថែមអំពីជម្រើសដែលស័ក្តិសម។

FLEET MANAGEMENT SOLUTION (កម្មវិធីគ្រប់គ្រងប្រព័ន្ធដឹកជញ្ជូន)

Fleet Management Solution គឺជាដំណោះស្រាយដែលមានតម្លៃសមរម្យបំផុត សម្រាប់ក្រុមហ៊ុនដែលប្រតិបត្តិការអាជីវកម្មពឹងផ្អែកលើការដឹកជញ្ជូន។ តួនាទីដ៏សំខាន់របស់ Fleet Management Solution System គឺការផ្តល់ជូននូវប្រព័ន្ធគ្រប់គ្រងដ៏មានប្រសិទ្ធភាពបំផុតមួយ ដើម្បីជួយត្រួតពិនិត្យនិងគ្រប់គ្រងប្រតិបត្តិការដឹកជញ្ជូនទាំងមូលរបស់អ្នក តាមរយៈការប្រើប្រាស់ផ្ទាំងកម្មវិធីដែលដំណើរការ យ៉ាងរហ័សនិងរលូនបំផុត។ ប្រព័ន្ធគ្រប់គ្រងនេះ ផ្តល់ភាពងាយស្រួលក្នុងការរៀបចំផ្លូវសម្រាប់ការដឹកជញ្ចូន រៀបចំកាលវិភាគដឹកជញ្ជូន និងជួយបង្កើនប្រសិទ្ធភាពប្រតិបត្តិការដឹកជញ្ជូនរបស់អ្នក​ បានយ៉ាងប្រសើរផងដែរ។​ ប្រព័ន្ធរបស់យើង អាចតាមដានមើលទីតាំងក្នុងពេលជាក់ស្តែង មានភ្ជាប់ជាមួយមុខងារផ្ញើសារឆ្លើយឆ្លង មុខងារឆែកមើលវីដេអូពីសកម្មភាពពីមុនៗ និងអាចតាមដានមើលបាន 24/7 ប្រកបដោយទំនុកចិត្តខ្ពស់បំផុត។

កម្មវិធីគ្រប់គ្រងការប្រព័ន្ធដឹកជញ្ជូនរបស់យើង ផ្តល់ជូននូវរចនាសម្ព័ន្ធកំណត់តម្លៃច្បាស់លាស់ និងមិនគិតតម្លៃបង្កប់បន្ថែមនោះឡើយ។ កម្មវិធីនេះមានភាពងាយស្រួលក្នុងការដំឡើង ហើយផ្តល់ជូនដោយភ្ជាប់មកជាមួយនូវសេវាបម្រើ សេវាដោះស្រាយបញ្ហាជូនដល់ទីកន្លែង និងការធានាក្នុងអំឡុងពេលប្រើប្រាស់សេវាកម្ម ដើម្បីប្រាកដថាអាជីវកម្មរបស់អ្នកនឹងទទួលបានអត្ថប្រយោជន៍ជាទីគាប់ចិត្តពីការប្រើប្រាស់សេវាកម្មរបស់យើង។

CELLBLAST

CellBlast គឺជាសេវាផ្សព្វផ្សាយតាមរយៈសារជាអក្សរនិងសំឡេង។ វាអាចឲ្យអ្នកផ្ញើសារដោយផ្ទាល់ទៅកាន់អតិថិជនគោលដៅសំខាន់ៗរបស់អ្នក ប្រកបដោយភាពងាយស្រួល និងចំណាយតិចបំផុត។ អ្នកអាចប្រើប្រាស់ CellBlast សម្រាប់ យុទ្ធនាការទីផ្សារ ការផ្តល់ដំណឹងសំខាន់ៗ ការផ្ញើសារជូនដំណឹង ការអញ្ជើញឬរំលឹកភ្ញៀវចូលរួមកម្មវិធី ការបញ្ជាក់ការកក់ទុក ការស្ទង់មតិយោបល់ និងតម្រូវការផ្សេងៗជាច្រើនទៀត។ អ្នកអាចជ្រើសរើសបាននូវសារជាអក្សរ ឬជាសំឡេង។ អ្នកអាចផ្ញើភ្លាមៗ ឬកំណត់ពេលវេលាសម្រាប់ផ្ញើពេលក្រោយ ពោលគឺអាស្រ័យទៅតាមតម្រូវការរបស់អ្នក។ហើយអ្នកមិនចាំបាច់បារម្ភជាមួយការចំណាយលើឧបករណ៍ប្រើប្រាស់នោះឡើយ។

ដើម្បីចុះឈ្មោះជាមួយសេវា CELLBLAST សូមចុចទីនេះ

CHINA CELLBLAST

ពង្រីកអាជីវកម្មរបស់អ្នក ដោយភ្ជាប់ទំនាក់ទំនងជាមួយអតិថិជនគោលដៅសំខាន់ៗ នៅប្រទេសចិន ជាមួយនិងសេវាកម្ម China CellBlast របស់យើង។ ការចាប់យកចំណែកទីផ្សារថ្មី គឺជាវិធីសាស្រ្តដ៏ល្អបំផុតមួយ ដើម្បីធ្វើឲ្យអាជីវកម្មរបស់អ្នកកាន់តែរីកចំរើន និងទទួលបានប្រាក់ចំណូលច្រើនជាងមុន ជាមួយនិងការកើនឡើងនៃឥទ្ធិពលប្រទេសចិនមកលើសេដ្ឋកិច្ចប្រទេសកម្ពុជាយើង​ ការគិតគូរពីការចាប់យកប្រទេសចិនជាទីផ្សារ អាចជាជម្រើសដ៏ប្រសើរបំផុតមួយដើម្បីពង្រីកអាជីវកម្មរបស់អ្នក។

ជាមួយសេវាកម្ម China CellBlast អាជីវកម្មរបស់អ្នក នឹងអាចភ្ជាប់ទំនាក់ទំនងដោយផ្ទាល់ជាមួយអតិថិជនដែលជាគោលដៅសំខាន់ៗនៅក្នុងប្រទេសចិន។ យើងមានផ្តល់ជូន នូវប្រព័ន្ធផ្សព្វផ្សាយសេវាកម្មតាមរយៈសារដោយខ្លួនឯង ដែល អ្នកអាចផ្ញើសារផ្សព្វផ្សាយទៅកាន់ភ្ញៀវទេសចរនិងវិនិយោគិនចិន មុនពេលដែលពួកគេមកដល់ប្រទេសកម្ពុជា ពោលវានឹងផ្តល់អត្ថប្រយោជន៍ជាច្រើនដល់អាជីវកម្មរបស់អ្នក។

DEVICE INSTALLMENT

តាមរយៈការចាប់ដៃគូជាមួយក្រុមហ៊ុន Chailease យើងនឹងមានផ្តល់ជូននូវសេវាផ្តល់ប្រាក់កម្ចីសម្រាប់ទិញទូរស័ព្ទដែលមានតម្លៃសមរម្យ ដល់អតិថិជនដែលបានភ្ជាប់គម្រោងសាជីវកម្មរបស់យើង។ ប្រាក់កម្ចីនេះ នឹងមិនមានការគិតថ្លៃសេវារៀបចំឯកសារ មិនមានថ្លៃសេវា CBC និងថែមទាំងផ្តល់ជូននូវការប្រាក់ ០% រហូតដល់ ១ ឆ្នាំទៀតផង។

អតិថិជនអាចជ្រើសរើសស្មាតហ្វូនប្រើ 4G ពីម៉ាកល្បីៗជាច្រើនដូចជា Apple Oppo Huawei  Samsung និង Vivo ដែលស្មាតហ្វូនទាំងនេះ នឹងផ្តល់ជូនដោយហាងលក់ទូរស័ព្ទដៃ គួងអ៊ី ដែលជាដៃគូចែកចាយរបស់យើង។ ប្រាក់កម្ចីនេះ អាចប្រើប្រាស់បានជាមួយស្មាតហ្វូនដែលមានតម្លៃលក់រាយរហូតដល់ ៨០០ ដុល្លារ ហើយអាចប្រើប្រាស់ជាមួយការទូទាត់ក្នុងតម្លៃទាបបំផុតត្រឹមតែ ៣ ដុល្លារ / ខែ ដោយភ្ជាប់ជាមួយនឹងកិច្ចសន្យាគម្រោងបង់ប្រាក់ក្រោយយ៉ាងតិចបំផុត ២ ឆ្នាំ និងការបញ្ជាទិញទូរស័ព្ទយ៉ាងតិច ៣ គ្រឿងសម្រាប់អតិថិជនម្នាក់។ ការផ្តល់ជូននេះ គឺសម្រាប់តែអតិថិជនដែលស្ថិតនៅក្នុងរាជធានីភ្នំពេញប៉ុណ្ណោះ។

WFH DATA SIM

ជាស៊ីមកាតដែលបង្កើតឡើងជាពិសេស ដើម្បីផ្តល់ជូនអតិថិជនសាជីវកម្មទាំងអស់នូវអត្ថប្រយោជន៍ជាទីគាប់ចិត្ត សម្រាប់ការប្រើអ៊ីនធើណិត និងមានការរំខាននានាទោះបីជាធ្វើការនៅទីកន្លែងណាក៏ដោយ។ ស៊ីមកាត Work-from-Home (WFH) ត្រូវបានបង្កើតឡើងដើម្បីឆ្លើយតបទៅនិងតម្រូវការបច្ចុប្បន្ននិងបន្ទាន់របស់អាជីវកម្ម ដើម្បីបន្តប្រតិបត្តិនៅក្នុងអំឡុងស្ថានភាពដ៏លំបាក ដែលបណ្តាលមកពីជម្ងឺរាតត្បាតសកល កូវីដ-19 ។ ជាមួយនិងការប្រើប្រាស់ស៊ីមកាត WFH ក្រុមហ៊ុនទាំងអស់ នឹងអាចធានាបានថា គ្រប់ទីកន្លែងដែលនិយោជិករបស់ខ្លួនកំពុងរស់នៅ នឹងមានអ៊ីនធើណិតសម្រាប់ប្រើប្រាស់ ដើម្បីបំពេញកិច្ចការងារប្រចាំថ្ងៃពីផ្ទះរបស់ពួកគេ។

ជាមួយនិងការផ្តល់ជូននូវទិន្នន័យអ៊ីនធើណិតយ៉ាងគាប់ចិត្ត ពីក្រុមហ៊ុនបណ្តាញទូរស័ព្ទលឿនជាងគេបំផុតនៅក្នុងប្រទេសកម្ពុជា អាជីវកម្មរបស់អ្នកពិតជាអាចដំណើរការបានជាប្រក្រតី។ ស៊ីមកាត WFH មានផ្តល់ជូននូវ 3 ជម្រើស មានតម្លៃចាប់ពី 12 ដុល្លារ/ខែឡើងទៅ។

គម្រោងបុគ្គលិកសាជីវកម្ម

គម្រោងសាជីវកម្មសម្រាប់បុគ្គលិករបស់អ្នកដែលអ្នកអាចគ្រប់គ្រងបាន គម្រោង​ Executive Lite​ ត្រូវបានបង្កើតឡើង​ដើម្បីផ្លាស់ទីបុ​គ្គលិករបស់អ្នក​​ដោយតភ្ជាប់ពួកគេ​ ហើយ​អ្នកក៏​អាច​ចូល​គ្រប់គ្រង់ការចំណាយថ្លៃសេវាទូរស័ព្ទផងដែរ។ នេះជាគម្រោងមួយក្នុងចំណោម​គម្រោង​ជា​ច្រើន​ទៀត​ ដែល​ទទួលបានការពេញនិយមពីអតិថិជនដែលមានអាជីវកម្មខ្នាតតូច និង​ខ្នាត​មធ្យម​របស់​យើង​​។​ គម្រោងនេះ អ្នកអាចជ្រើសរើសការបង់ប្រាក់ប្រចាំខែ ឬបង់ប្រាក់ជាមុន​ ​តាម​ការជ្រើស​រើស​របស់​ក្រុមហ៊ុនលើសមត្ថភាពគ្រប់គ្រងការចំណាយថ្លៃសេវារបស់បុគ្គលិកពួកគេ​។​ ​ជាមួយ​គ្នា​នេះ​ដែរ​ ​​​គម្រោងនេះផ្តល់ភាពបត់បែនដល់បុគ្គលិកក្នុងការរីករាយតភ្ជាប់ទំនាក់ទំនងជាមួយ​គ្នា​តាម​រយៈ​សេវា​ ​សែលកាត​ បន្ថែម​ពីការ​គ្រប់​គ្រង​ការ​ចំណាយ​ផ្ទាល់​ខ្លួន​។​ ​ជាមួយនឹង​ ​Executive Lite​ ​ក្រុម​ហ៊ុន​ទាំងអស់នឹងអស់កង្វល់និងមានសុវត្ថិភាព ដោយសារពួកគេត្រូវបានធានាថាការចំណាយ​លើថ្លៃសេវាទូរស័ព្ទរបស់បុគ្គលិកពួកគេស្ថិតនៅក្នុងខ្ទង់ចំណាយ។

គម្រោងធ្វើដំណើរក្រៅប្រទេស

ដៃគូធ្វើដំណើរដ៏ល្អឯករបស់អ្នកមិនថាអ្នកកំពុងធ្វើដំណើរសម្រាប់មុខជំនួញ​ឬ​កម្សាន្ត​នោះទេ​ ​មិន​ថា​អ្នក​នៅ​ទី​ណា​ក៏​ដោយ​ ​គម្រោង​ដ៏​ទាក់ទាញរបស់យើងធានាថា​ ​អ្នកនៅតែអាចទាក់ទង​និងទទួលព័ត៌មានថ្មីៗ​ ​ពីជំនួញរបស់អ្នកនិង​ក្រុម​គ្រួសារ​​បាន។ ទទួលយកអត្ថប្រយោជន៍នៃសេវាធ្វើដំណើរនេះ ដោយទទួលបាន​ ​សារ​ជា សម្លេង​ ​អ៊ីនធើណិត ​ ​និង​ ​សារជាអក្សរ​ ​ឬការផ្តល់ជូនដទៃទៀត​ ​បិទ​អ៊ីនធើណិត ដើម្បីរក្សា​វា​នៅ​ពេល​ក្រោយ​ ​ប្រើអ៊ីនធើណិតតាមរយៈWiFi វិញ​។​ ​សម្រាប់​អតិថិជន​ភ្ជាប់​គម្រោង​បង់​ប្រាក់​តាម​ក្រោយ​ ​អាចភ្ជាប់កញ្ចប់គម្រោង Happy Roamបាន​ ការប្រើប្រាស់នេះ​គិតថ្លៃទាបបំផុតត្រឹមតែ​ ​500រៀល​ សម្រាប់ការ​ហៅ​ចេញ​ 1នាទី សារជាអក្សរម្តង និង អ៊ិនធើណិត 1មេហ្គាបៃ។

CLOUD PBX

វិធីដ៏ងាយស្រួលនិងថ្លៃសមរម្យក្នុងការភ្ជាប់លេខទូរសព័្ទក្រុមហ៊ុនអ្នក។ ដំណោះ​ស្រាយ​​ Cloud PBX​ ​ស័ក្តិសម​ឥតខ្ចោះសម្រាប់​ការគ្រប់គ្រងពាណិជ្ជកម្ម​របស់អ្នក​លើ​ការ​ទទួល​​​ការហៅចូលពីភ្ញៀវរបស់អ្នក​។​ វា​ដើរតួជាទូរស័ព្ទលើតុ​ ហើយនៅពេលមានការហៅចូល​វានឹ​ង​ភ្ជាប់ចូលលេខទៅទូរស័ព្ទក្រុមហ៊ុនអ្នក​។​ ​ប្រសិនបើលេខទូរស័ព្ទរបស់នរណាម្នាក់នៅក្នុងក្រុមហ៊ុន​កំពុង​ជាប់​រវល់​ វានឹងផ្ទេរទៅលេខទូរស័ព្ទមួយទៀត​ ​ដើម្បីធានាថាគ្រប់ការហៅចូលពីអតិថិជន     សំខាន់ៗ​របស់​អ្នកទាំងអស់ត្រូវបានទទួលនិងឆ្លើយតប។

ផ្សាយពាណិជ្ជកម្មសារជាអក្សរ

វិធីលឿននិងងាយបំផុតក្នុងការផ្សព្វផ្សាយទៅដល់អតិថិជនអ្នក។ ផ្សាយពាណិជ្ជកម្មសារជាអក្សរ អនុញ្ញាតអោយអ្នកធ្វើការផ្សព្វផ្សាយផលិតផលនិងសេវាកម្មរបស់អ្នក តាមរយៈសារជាអក្សរ ទៅកាន់អ្នកប្រើប្រាស់សេវាសែលកាតដោយ​ផ្ទាល់និងភ្លាមៗ។ ផ្ញើរ​សារជាអក្សរទៅកាន់លេខទូរស័ព្ទ​ ​ដោយជម្រើសចៃដន្យ​ ឬ​ ជ្រើសរើស​អ្នក​ទទួលបានសារ​ ​ផ្សាយ​ពាណិជ្ជកម្ម​លើសារជាអក្សរបស់អ្នក ដោយ​​ជ្រើសរើស​ ឬ​ផ្តល់​ទិន្នន័យ​ផ្ទាល់​ខ្លួន​របស់អ្នក​ដើម្បីផ្ញើរ​ទៅ​។​ ជ្រើសរើសជម្រើសរបស់អ្នក

ARPU៖ ចំណូលជាមធ្យមរបស់អតិថិជនម្នាក់

ទីតាំង៖ ខេត្ត

• ឧបករណ៍(ដំណើរការលើទូរស័ព្ទដៃឬ ទូរស័ព្ទទំនើប)
• មានKhmer Unicode
• បានប្រើកញ្ចប់ធ្វើដំណើរ(Roaming)
• បានប្រើក្នុងការហៅចេញទៅក្រៅប្រទេស
• អ្នកប្រើអ៊ីធើណិតច្រើន(ប្រើលើសពី3 ជីហ្គាបៃក្នុង១ខែ)
• អ្នកធ្វើការហៅចេញច្រើន(ហៅចេញលើពី 500នាទីក្នុងមួយខែ)

សន្សំការចំណាយលើផ្នែកទីផ្សារដោយតម្លៃសមរម្យ នៅលើមូលដ្ឋានដែល​ធានា​ដល់​ការ​ផ្ញើរសារ​ទៅ​កាន់​អតិថិជនរបស់អ្នក

ផ្សាយពាណិជ្ជកម្មសារជាអក្សរ មានជាភាសាអង់គ្លេសនិងខ្មែរ និងកាលវិភាគផ្ញើចេញអាចជ្រើសរើសបាន។

គួររំលឹកថា សែលកាត ផ្តោតលើ​ភាព​ឯកជន​របស់​អតិថិជន​ ​និង​ ​ព័ត៌មានផ្ទាល់ខ្លួនរបស់ពួកគេ​ត្រូវ​បាន​រក្សាទុកជាការសំងាត់​ ​មានតែលេខទូរស័ព្ទ​ដែលសង្ស័យ​លើការពាក់ព័ន្ធនឹង​ទង្វើ​ខុស​ច្បាប់​ប៉ុណ្ណោះ​​ដែលយើងបញ្ចេញក្រោមសំណូមពរពីអាជ្ញាធរពាក់ព័ន្ធ។