Orange Esports នាំមោទនភាពជូនជាតិជាមួយជ័យជម្នះក្នុងការប្រកួត PUBG កាលពីសប្តាហ៏មុន

ថ្ងៃចេញផ្សាយ: មេសា, ថ្ងៃពុធ 08, 2020

Orange Esports PUBG Mobile ដែលជាក្រុមកីឡាអេឡិចត្រូនិចដ៏លេចធ្លោជាងគេបំផុតមួយនៅក្នុងប្រទេសកម្ពុជា នឹងឡើងបន្តទៅកាន់កម្មវិធី Southeast Asia World Finals បន្ទាប់ពីទទួលបានជ័យជម្នះនៅក្នុងកម្មវិធីប្រកួត PMCO Spring Split 2020 Wild Card Finals នាថ្ងៃអាទិត្យ ទី ០៥ ខែមេសា កន្លងទៅថ្មីៗនេះ។

ក្រុមហ៊ុនសែលកាត បានចូលរួមសហការជាមួយក្រុម Orange Esports ក្នុងនាមជាក្រុមហ៊ុនបណ្តាញទូរស័ព្ទដៃគូផ្លូវការនៅក្នុងប្រទេសកម្ពុជា តាមរយៈកិច្ចសហការយូរអង្វែង ដែលត្រូវបានប្រកាសកាលពីថ្ងៃទី ៣១ ខែធ្នូ ឆ្នាំ ២០១៩ ដោយលោក Ian Watson នាយកប្រតិបត្តិក្រុមហ៊ុនសែលកាត និង លោក Ian Tan Wei Lun នាយកគ្រប់គ្រងរបស់ក្រុម Orange Esports។

ការប្រកួតនេះ ត្រូវបានផ្សាយបន្តផ្ទាល់ជូនទស្សនាជាភាសាខ្មែរដោយឥតគិតថ្លៃ នៅលើទំព័រហ្វេសប៊ុករបស់ Cellcard Play។
តាមរយៈការរៀបចំផ្នែកធនធានផលិតកម្មរបស់សែលកាត លោក Ice Frogz និង Pro MENG ដែលជាអ្នកអត្ថាធិប្បាយជនជាតិខ្មែរដ៏មានប្រជាប្រិយភាព ត្រូវបានអញ្ជើញឱ្យចូលរួមអត្ថាធិប្បាយសកម្មភាពនៃការប្រកួត ដើម្បីជួយបង្កឱ្យបរិយាកាសនៅក្នុងកម្មវិធីកាន់តែជក់ចិត្តខ្លាំងឡើង។

កិច្ចសហការក្នុងនាមជាដៃគូរបស់សែលកាតជាមួយក្រុម Orange Esports និងការគាំទ្រដល់សហគមន៍ PUBG Mobile នៅកម្ពុជា គឺជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុនសែលកាត ក្នុងការជួយគាំទ្រដល់វិស័យហ្គេមនិងសហគមន៍កីឡាអេឡិចត្រូនិចក្នុងស្រុក ក៏ដូចជាពង្រឹងនូវជំហររបស់ក្រុមហ៊ុនក្នុងនាមជាប្រតិបត្តិករបណ្តាញទូរស័ព្ទលឿនជាងគេបំផុតនៅក្នុងប្រទេសកម្ពុជា។

ក្រុមហ៊ុនសែលកាត ត្រូវបានទទួលស្គាល់ជាជ័យលាភីពានរង្វាន់ Ookla Speedtest Award Winner ប្រចាំប្រទេសកម្ពុជា ក្នុងរយៈពេល ៣ ឆ្នាំជាប់ៗគ្នា ដូច្នេះអ្នកគាំទ្រវិស័យហ្គេម ពិតជានឹងអាចរីករាយជាមួយបទពិសោធន៍នៃការលេងហ្គេមកំសាន្តដ៏រលូនបំផុត។

កម្មវិធីប្រកួត Southeast Asia World Finals ត្រូវបានគេរំពឹងទុកថា នឹងប្រារព្ធឡើងនៅថ្ងៃទី២ និងទី៣ ខែឧសភា ឆ្នាំ ២០២០៕

អ្នកក៏អាចអានផងដែរ

ក្រុមហ៊ុន Cellcard បានឈ្នះ ពានរង្វាន់ឈានមុខផ្នែ...

តុលា, ថ្ងៃអាទិត្យ 01, 2023

Cellcard គឺជាក្រុមហ៊ុនទូរស័ព្ទចល័តដែលមានល្បឿនលឿនជាងគេក្នុងប្រទេសកម្ពុជា កំពុ...

សេក្តីប្រកាសព័ត៌មាន ស្តីពី របាយការណ៏ហិរញ្ញវត្ថុ...

កញ្ញា, ថ្ងៃច័ន្ទ 18, 2023

ក្រុមហ៊ុនខេម ជ្ជីអេសអេម ម.ក ដែលជាក្រុមហ៊ុនទូរស័ព្ទចល័តឈានមុខនៅកម្ពុជាបានចេញផ...

ក្រុមហ៊ុនសែលកាតបានឈ្នះពានរង្វាន់ពី Opensignal ស...

កញ្ញា, ថ្ងៃច័ន្ទ 04, 2023

ក្រុមហ៊ុនសែលកាតដែលជាផ្នែកមួយនៃរ៉ូយ៉ាល់គ្រុបបានទទួលពានជាងលើកទី 2 សម្រាប់បទពិស...

រ៉ូយ៉ាល់ គ្រុប បញ្ចប់សំណងឥណទានសម្រាប់បរិក្ខារឯក...

សីហា, ថ្ងៃពុធ 16, 2023

នៅថ្ងៃទី៨ សីហា ឆ្នាំ២០២៣ ក្រុមហ៊ុន រ៉ូយ៉ាល់ គ្រុប នៅកម្ពុជាបានធ្វើការបិទហិរញ...

សមិទ្ធិផលពានរង្វាន់បណ្តាញសេវារបស់សែលកាត

យោងតាមរបាយការណ៍ចុងក្រោយបង្អស់របស់ Ookla® Speedtest Awards™ សែលកាត បានទទួលពិន្ទុល្បឿន ៣៦.៩១ ដែលនាំមុខដៃគូប្រកួតប្រជែងរបស់ខ្លួន ខណៈដែល ក្រុមហ៊ុនស្មាត ទទួលបាន ៣១.៧៦ និងក្រុមហ៊ុនមិត្តហ្វូន ទទួលបាន ២១.៤៤។

Opensignal បានផ្តល់ពានរង្វាន់ដល់ក្រុមហ៊ុនសែលកាត ដែលជាអ្នកឈ្នះដ៏ស័ក្ដិសមបំផុតសម្រាប់ពានរង្វាន់ «បទពិសោធល្បឿនដោនឡូត» និង «និរន្តរភាពនៃគុណភាពល្អបំផុត» ព្រមជាមួយនឹងពានរង្វាន់រួមគ្នាចំនួន ៤ ផ្សេងទៀតសម្រាប់ «បទពិសោធវីដេអូ», «បទពិសោធហ្គេម», «បទពិសោធល្បឿនបង្ហោះ» និង «វត្តមានបម្រើបម្រាស់បណ្ដាញ»។ សែលកាត បានរាយការណ៍ចុងក្រោយអំពីពានរង្វាន់ Opensignal របស់ខ្លួនក្នុងឆ្នាំ ២០១៧ – ២០១៨ ដែលជាលទ្ធផលនៃការដំណើរការគំនិតផ្ដួចផ្ដើម4G ដ៏ខ្លាំងក្លារបស់ខ្លួនដែលបានពង្រីកបណ្ដាញពី៣០០ ទៅ ៣០០០។

បន្ទាប់ពីការប្រារព្ធខួប២៥ឆ្នាំរបស់ខ្លួនរួចមក ប្រតិបត្តិករទូរគមនាគមន៍ខ្មែរតែមួយគត់នៅលើទីផ្សារគឺក្រុមហ៊ុនសែលកាត ដែលជាក្រុមហ៊ុនមួយរបស់រ៉ូយ៉ាល់គ្រុបបានបង្កើតប្រវត្តិសាស្ត្រថ្មីមួយទៀត ដោយបានឈ្នះពានរង្វាន់ Global Rising Star Awards 2023 ពីក្រុមហ៊ុនវិភាគឯករាជ្យ ដ៏ល្បីល្បាញនៅលើពិភពលោក គឺ Opensignal។

ក្រុមហ៊ុន សែលកាត បានសម្ពោធដំណើរការនៅឆ្នាំ1997 ហើយបានក្លាយជាក្រុមហ៊ុនស្ដង់ដារមួយនៅកម្ពុជាដែលផ្ដល់នូវគុណភាព អត្ថប្រយោជន៍ និងសេវាកម្មឈានមុខគេ និងបន្តយកចិត្តទុកដាក់ក្នុងកិច្ចអភិវឌ្ឍមធ្យោបាយថ្មីៗ ដើម្បីគាំទ្រ និងលើកស្ទួយមធ្យោបាយ ទំនាក់ទំនងរបស់អតិថិជនខ្លួនផងដែរ តាមរយៈការកែលម្អប្រព័ន្ធសេវាទូទៅ ការអភិវឌ្ឍលើគម្រោង និងផលិតផលប្រកបដោយភាពច្នៃប្រឌិតថ្មីៗ ពិសេសផ្ដោតសំខាន់លើសេវាបម្រើអតិថិជនជាចម្បង។

គម្រោង

Cellcard eSIM

Cellcard ONE

បន្ថែម

បញ្ចូលលុយ

ឧបករណ៍

សេវាទំនាក់ទំនងអន្តរជាតិ

ការកម្សាន្ត

សេវាមូលដ្ឋាន

សេវាព័ត៌មានកម្សាន្ត

សំណួរ-ចម្លើយ

លក្ខខណ្ឌផ្សេងៗ

ទំនាក់ទំនងមកយើងខ្ញុំ

Orange Esports នាំមោទនភាពជូនជាតិជាមួយជ័យជម្នះក្នុងការប្រកួត PUBG កាលពីសប្តាហ៏មុន

អ្នកក៏អាចអានផងដែរ