កម្មវិធីប្រកួតថតរឿងខ្លី Film it! ការប្រកួតដើម្បីស្វែងរកអ្នកមានទេពកោសល្យផលិតភាពយន្ត | សែលកាត

កម្មវិធីប្រកួតថតរឿងខ្លី Film it! ការប្រកួតដើម្បីស្វែងរកអ្នកមានទេពកោសល្យផលិតភាពយន្ត

ថ្ងៃចេញផ្សាយ: មិនា, ថ្ងៃ​ព្រហស្បតិ៍ 02, 2017

ដើម្បីអបអរមហោស្រពភាពយន្តអន្តរជាតិកម្ពុជា​ (CIFF)​ សែលកាត​ បានសម្ពោធកម្មវិធីប្រកួតថតរឿងខ្លី​ Film it ដើម្បីឲ្យផលិតករ ភាពយន្តបង្ហាញស្នាដៃ របស់ខ្លួនដែលផលិតឡើង​ ​​តាមរយះការថតដោយប្រើទូរស័ព្ទដៃ។

សែលកាត ជាអ្នកឧបត្ថម្ភធំសម្រាប់ មហោស្រពភាពយន្តអន្តរជាតិកម្ពុជា នេះដែលនឹងធ្វើការបើកកម្មវិធីជាផ្លូវការនៅរាត្រីថ្ងៃសោរ៍ចុងសប្ដាហ៍នេះ។

កម្មវិធីប្រកួតថតរឿងខ្លី​ Film it! មានការអញ្ជើញចូលរួមពីអ្នកមានទេពកោសល្យច្នៃប្រឌិតដែលអាចផលិតរឿងខ្លីដោយប្រើទូរស័ព្ទដៃ​ ឬថេប្លេត។​ បេក្ខជនដែលចូលរួមអាច ​ថតរឿងខ្លីគ្រប់ប្រធានបទចាប់ពី10នាទីឡើង។

នាយកទីផ្សារសែលកាត​ អ្នកស្រី Evelyn Jimenez បានថ្លែងថា វាសំខាន់ណាស់ក្នុងការបន្តលើកទឹកចិត្តដល់យុវជនមានទេពកោសល្យដើម្បីបង្ហាញសក្ដានុពលផ្ទាល់ខ្លួន​ និងអាចឲ្យពួកគេបង្ហាញពីអារម្មណ៍សញ្ចេតនាផ្ទាល់ខ្លួនប្រកបដោយភាពច្នៃប្រឌិត។

អ្នកស្រីបានមានប្រសាសន៍ថា ការផលិតភាពយន្តអាចត្រូវចំណាយច្រើនលើសម្ភារឧបករណ៍ តួសម្ដែង និងពេលវេលាក្នុងស្ទូឌីយ៉ូ។ ប៉ុន្តែជាមួយទូរស័ព្ទដៃ និងកម្មវិធីផ្សេងៗដែលមានស្រាប់ អាចជាមធ្យោបាយដ៏ល្អក្នុង ការចាប់ផ្ដើមផលិតភាពយន្តខ្លី និងជួយបង្ហាញនូវទេពកោសល្យផងដែរ។

មានផលិតករភាពយន្តអាជីពច្រើនណាស់ដែលផ្ដោតលើការផលិតភាពយន្តតាមទូរស័ព្ទដៃ ហើយមហោស្រពនេះនឹងប្រារព្ធឡើងទូទាំងពិភពលោកដើម្បីបង្កើតការផ្សារភ្ជាប់និងបច្ចេកវិទ្យា ព្រមទាំងបច្ចេកទេសដែលពាក់ព័ន្ធផងដែរ។

យើងសង្ឃឹមថាបេក្ខជនដែលចូលរួមនិងបង្ហាញពីទិដ្ឋភាពចម្រុះនៃជីវិត វប្បធម៌ទាំងបែបទំនើប​ និងបែបប្រពៃណី ភាពច្នៃប្រឌិត និងភាពសប្បាយរីករាយពីខ្លួនឯង។

ក្នុងការវាយតម្លៃដាក់ពិន្ទុក្នុងកម្មវិធីនេះ នឹងមានការចូលរួមពីទូតសុឆន្ទៈតំណាងសែលកាត ដែលជាម្ចាស់ជ័យលាភីផលិតករភាពយន្ត វ័យ25ឆ្នាំ គឺលោក ចាប សោមច័ន្ទរិទ្ធ។

យុវជនកម្ពុជាដែលមានទេពកោសល្យ បានផលិតភាពយន្ត ជាច្រើនដែលបានដាក់ បញ្ចាំងនៅក្នុងមហោស្រពភាពយន្តសាកល។ដូចច្នេះចូលរួមប្រកួត កម្មវិធី​ Film it​ ទាំងអស់គ្នា!  កម្មវិធីនេះនឹងបញ្ចប់ឈប់ទទួលនៅថ្ងៃទី16 មីនា វេលាថ្ងៃត្រង់។

គណៈកម្មការ វាយតម្លៃរួមមាន លោក​ ចាប សោមច័ន្ទរិទ្ធ និងតំណាង CIFF ​​ ព្រមទាំង​ អ្នកតំណាងក្រុមហ៊ុន ​សែលកាត ហើយនឹងប្រកាស ជ័យលាភីតាមរយៈ លិខិតអញ្ជើញពិសេស ចូលរួមព្រឹត្តិការណ៏ នៅថ្ងៃទី18 មីនា។​ ជ័យលាភីក៏នឹងទទួលបានថ្មីមួយ ​គ្រឿង iPhone 7 Plus រួមជាមួយរង្វាន់ជាច្រើនទៀត។

ដើម្បីចូលរួម សូមផ្ញើស្នាដៃរបស់អ្នក តាមរយៈ contest.cellcard@gmail.com ហើយករណីស្នាដៃមានទំហំធំពេកអ្នកអាចផ្ញើ File transfers​តាមរយៈអាសយដ្ឋានអ៊ីម៉ែលខាងលើនេះផងដែរ។

 

អ្នកក៏អាចអានផងដែរ

ធ្នូ, ថ្ងៃ​អង្គារ 01, 2020

បន្ទាប់ពីការរៀបចំ និងអភិវឌ្ឍផលិតផលគំរោងរបស់ខ្លួនអស់រយៈពេលជាច្រើនខែមក ថ្ងៃនេះក...

វិច្ឆិកា, ថ្ងៃ​ពុធ 25, 2020

វណ្ណដា ដែលជាតារាចម្រៀងរ៉េបដ៍ល្បី ប្រចាំប្រទេសកម្ពុជានាពេលបច្ចុប្បន្ននេះ ត្រូវ...

វិច្ឆិកា, ថ្ងៃ​ពុធ 11, 2020

ក្នុងថ្ងៃនេះ សែលកាត ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនរ៉ូយ៉ាល់គ្រុប បាន...

តុលា, ថ្ងៃ​សៅរ៍ 24, 2020

ក្រុមហ៊ុនសែលកាត មានមោទនភាពដោយប្រកាសនូវកិច្ចសហការជាដៃគូជាមួយអង្គការ Terre des ...

សមិទ្ធិផលពានរង្វាន់បណ្តាញសេវារបស់សែលកាត