កម្មវិធីប្រកួត Super Data Race របស់ក្រុមហ៊ុន Cellcard មកដល់ខេត្តកំពង់ចាមហើយ
ថ្ងៃចេញផ្សាយ: កក្កដា, ថ្ងៃសុក្រ 26, 2019ភ្នំពេញ៖ ការប្រកួត Super Data Race របស់ក្រុមហ៊ុនសែលកាត បានមកដល់ខេត្តកំពង់ចាម ដែលជាទីតាំងទី៤ ដែលនឹងរៀបចំព្រឹត្តិការណ៍ ដ៏ពេញនិយមមួយនេះ។ ការប្រកួតនឹងចាប់ផ្តើមក្នុងខេត្តកំពង់ចាមនៅវេលាម៉ោង៤រសៀល ថ្ងៃអាទិត្យ ទី២៨ កក្កដា ២០១៩ ដែលមានទីតាំងនៅក្នុង វិទ្យាល័យព្រះសីហនុ។ ដើម្បីមានសិទ្ធិចូលរួមប្រកួត បេក្ខជនតម្រូវ ឲ្យទាញយកកម្មវិធី Super Data Race ពី Google Play ឬក៏ iOS App ។ បន្ទាប់មក បេក្ខជនទាំងអស់ ត្រូវចុះឈ្មោះជាមួយ នឹងលេខទូរស័ព្ទរបស់ ប្រព័ន្ធសែលកាត របស់ពួកគេរួចហើយ ទៅយកសម្ភារៈ សម្រាប់ការប្រកួតនៅស្តង់សែលកាត និង ចូលតម្រង់ជួរ នៅក្នុងវិទ្យាល័យព្រះសីហនុ ដើម្បីចាប់ផ្តើមការប្រកួត។
កម្មវិធី Super Data Race ជាកម្មវិធីបង្កើត ឡើងសម្រាប់លើកទឹកចិត្ត សិស្សានុសិស្ស ទទួលបាននូវហ្គេមសប្បាយៗតាមរយៈអនឡាញ និង បង្ហាញពីបណ្តាញ 4G LTE របស់ ប្រព័ន្ធសែលកាតដ៏លឿនជាងគេបំផុតនៅកម្ពុជា។ បេក្ខជនអាចទទួលបានឱកាសឈ្នះរង្វាន់ មានដូចជា ទូរស័ព្ទiPhone XS Max iPad ទូរស័ព្ទ Huawei Nova3i កាសAirPods និង រង្វាន់ផេ្សងៗជាច្រើនទៀត។ ព្រឹត្តិការណ៍នេះ ក៏មានការចូលរួមពី តារាកិត្តិយសល្បីៗផងដែរ ដូចជា លោក ថេណា លោក ប៊ុនឡេង និង ក្រុមតារាចំរៀងMustache ដើម្បីផ្តល់ភាពសប្បាយ រីករាយដល់អ្នកចូលរួមទាំងអស់ នៅចុងកម្មវិធី។
លោក អៀន វ៉ាត់សុន( Ian Watson) នាយកប្រតិបត្តិក្រុមហ៊ុនសែលកាត បានមានប្រសាសន៍ថា “កម្មវិធី Super Data Race នៅតែបន្តទទួលបានការចាប់អារម្មណ៍ពីអ្នកលេងជាច្រើន តាមបណ្តាខេត្តនានា។ កម្មវិធីប្រកួតនេះបានក្លាយជាវេទិកាដ៏ពេញនិយម សម្រាប់យុវវ័យខ្មែរ ដើម្បីទទួលបានបទពិសោធន៍ ច្នៃប្រឌិតថ្មី សម្រាប់ហ្គេមអនឡាញ និង រីករាយជាមួយ ពិភពឌីជីថល។”
លោក អៀន វ៉ាត់សុន ( Ian Watson) បាននិយាយបន្ថែមថា៖ «ពួកយើងចង់ធ្វើឱ្យ អតិថិជនរបស់យើង ទទួលបាននូវបទពិសោធន៍ ប្រើប្រាស់ប្រព័ន្ធទំនាក់ទំនង ដ៏មានល្បឿនលឿន ដែលប្រណាំងនឺង ពេលវេលាដើម្បីបំបែកគន្លឹះហ្គម និងរីករាយជាមួយ ការភ្ញាក់ផ្អើលគ្រប់វគ្គ Super Data Race ថ្មីរបស់យើង ជាមួយបណ្តាញ ដែលទទួលពានរង្វាន់ ល្បឿនលឿនរបស់យើង»។
សម្រាប់ព័ត៌មានបន្ថែម និង ព្រឹត្តិការណ៍នាពេលខាងមុខ សូមចូលទៅកាន់ ទំព័រ Facebook របស់ Cellcard Play ។
អ្នកក៏អាចអានផងដែរ
មិថុនា, ថ្ងៃព្រហស្បតិ៍ 01, 2023
ព្រឹត្តិការណ៍នវានុវត្តន៍ គឺជាព្រឹត្តិការប្រចាំឆ្នាំដែលប្រារព្ធឡើងនូវភាពជឿនលឿ...
ឧសភា, ថ្ងៃពុធ 10, 2023
វិបត្តិកូវិដ១៩ បានដាក់ការយកចិត្តទុកដាក់លើការថែទាំសុខភាព ធ្វើឱ្យសេវាសុខភាពស្ថ...
មេសា, ថ្ងៃពុធ 26, 2023
នវានុវត្តន៍របស់ក្រុមហ៊ុនបានរួមចំណែកយ៉ាងសំខាន់បំផុតដល់ក្រុមហ៊ុនដែលទទួលបានប្រា...
មេសា, ថ្ងៃអង្គារ 25, 2023
ក្រុមហ៊ុនទូរគមនាគមន៍ក្នុងស្រុកមួយបានទទួលពានរង្វាន់ និងលិខិតសរសើរដ៏មានកិត្យនុ...
មុខងារថ្មី!