សែលកាតបានផ្តល់ជូនការភ្ជាប់គម្រោង Cellcard 4U រយៈពេលពេញមួយឆ្នាំឥតគិតថ្លៃ | សែលកាត

សែលកាតបានផ្តល់ជូនការភ្ជាប់គម្រោង Cellcard 4U រយៈពេលពេញមួយឆ្នាំឥតគិតថ្លៃ

ថ្ងៃចេញផ្សាយ: ឧសភា, ថ្ងៃ​ព្រហស្បតិ៍ 07, 2020

ដើម្បីឱ្យអតិថិជនកាន់តែសប្បាយរីករាយថែមទៀត ក្រុមហ៊ុនសែលកាតបានធ្វើការផ្តល់ជូននូវការភ្ជាប់គម្រោង Cellcard 4U ចំនួន ៥ រង្វាន់ដោយឥតគិតថ្លៃ រៀងរាល់ថ្ងៃនៅក្នុងខែឧសភានេះ។

ប្រូម៉ូសិនពិសេសថ្មីនេះត្រូវបានរៀបចំឡើងក្នុងគោលបំណងដើម្បីបង្ហាញជូនដល់អតិថិជនឱ្យបានជ្រាបច្បាស់នូវអត្ថប្រយោជន៍ដែលនឹងទទួលបាន រួមជាមួយនឹងការផ្តល់ជូនគាប់ចិត្តបន្ថែមចំនួនពីរទៀត៖

  1. អតិថិជនអាចរក្សាទឹកប្រាក់នៅសល់ ដោយយកទៅបូកបញ្ចូលនៅក្នុងគម្រោងបន្ទាប់។

ហើយពួកគេថែមទាំងអាចបូកបញ្ចូលទៅក្នុងគម្រោងបន្ទាប់ បានក្នុងរយៈពេលរហូតដល់ទៅ ១២ ខែពេញទៀតផង។

  1. សែលកាត នឹងមិនគិតថ្លៃភ្ជាប់គម្រោងសម្រាប់រៀងរាល់សប្តាហ៍ទីបួន

ពោលគឺមានន័យថាអ្នកបង់ប្រាក់សម្រាប់រយៈពេលបីសប្តាហ៍ ហើយនឹងទទួលបានការប្រើប្រាស់មួយសប្តាហ៍ដោយឥតគិតថ្លៃទាំងស្រុង។ ទន្ទឹមនឹងនោះ អតិថិជនក៏ទទួលបាននូវសេវាកម្ម Missed Call Alerts ដ៏ពេញនិយមដោយឥតគិតថ្លៃ ដែលជាអត្ថប្រយោជន៍បន្ថែមផងដែរ។

ដើម្បីមានឱកាសក្លាយជាអ្នកមានសំណាងឈ្នះនូវរង្វាន់ប្រចាំថ្ងៃដែលមានចំនួនប្រាំរង្វាន់នេះ អតិថិជនត្រូវភ្ជាប់គម្រោង Cellcard 4U ហើយប្តូររូប Profile នៅលើហ្វេសប៊ុក ដោយប្រើស៊ុមរូបថតពិសេស 4U ហើយបន្ទាប់មកធ្វើការចែករំលែករូបភាពនេះ ជាមួយមិត្តភក្តិនៅលើបណ្តាញសង្គម។

ងាយៗដើម្បីចូលរួមអ្នកគ្រាន់តែ៖
1. ចូលទៅកាន់ Facebook Camera តាមនេះ៖ https://bit.ly/4uARcamera
2. ថតរូបបញ្ចេញ Style ម៉ាអស់ដៃ ជាមួយភាពច្នៃប្រឌិតរបស់អ្នក
3. បង្ហោះរូបនៅលើ Facebook របស់អ្នករួច Mention @Cellcard

ស៊ុមរូបថត 4U មើលទៅទាក់ទាញគួរឱ្យចង់ប្រើ និងមានពណ៌ស្រស់ឆើតឆាយ ដែលអាចជួយបង្កើននូវភាពរីករាយក្នុងពេលកំពុងស្នាក់នៅក្នុងផ្ទះ ជាពិសេសសម្រាប់សិស្សនិស្សិតដែលកំពុងឈប់សម្រាកក្នុងវិស្សមកាលនេះតែម្តង។

គម្រោង Cellcard 4U ត្រូវបានបើកសម្ពោធដាក់ជូនឱ្យប្រើប្រាស់ នៅក្នុងអំឡុងនៃការចាប់ផ្តើមរាតត្បាតជម្ងឺកូវីដ-១៩។ គម្រោងនេះ គឺជាផ្នែកមួយនៃយុទ្ធនាការជួយដល់អតិថិជនឱ្យរក្សានូវទំនាក់ទំនងបានល្អជាមួយមនុស្សជុំវិញ ទទួលបាននូវព័ត៌មានសំខាន់ៗ និងបន្តការសិក្សាតាមអនឡាញបានទាំងនៅក្នុងស្រុកនិងទូទាំងពិភពលោក។

ជាងនេះទៅទៀត សែលកាតក៏មានរៀបចំនូវភាពភ្ញាក់ផ្អើលនិងរីករាយបំផុតមួយទៀត ដោយផ្តល់នូវទិន្នន័យអ៊ីនធើណិតចំនួន ៥០០ មេកាបៃដោយឥតគិតថ្លៃ ជូនដល់អតិថិជនប្រើប្រាស់គម្រោង Cellcard 4U ចំនួន ១០០០ នាក់ ដែលនឹងត្រូវជ្រើសរើសដោយចៃដន្យ រៀងរាល់ថ្ងៃច័ន្ទ ពុធ និងថ្ងៃសៅរ៍ផងដែរ។

កាន់តែចាប់អារម្មណ៍ទៀតនោះ ដោយរដូវវស្សាកំពុងឈានចូលមកដល់ សម្រាប់អតិថិជនសែលកាត 4U ទាំងអស់ ដែលបញ្ចូលទឹកប្រាក់នឹងទទួលបានទឹកប្រាក់បន្ថែម ១០% ភ្លាមៗ។

លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែលកាត បានឱ្យដឹងថា នៅក្នុងប្រទេសកម្ពុជាសព្វថ្ងៃនេះ មិនទាន់មានគម្រោងបណ្តាញទូរស័ព្ទចល័តណាមួយ ដែលផ្តល់នូវភាពបត់បែន និងអត្ថប្រយោជន៍ជាទីគាប់ចិត្តបែបនេះ ជូនដល់អតិថិជននៅឡើយទេ។

លោក វ៉ាតសុន បានមានប្រសាសន៍ទៀតថា៖ “យើងកំពុងខិតខំយ៉ាងសស្រាក់សស្រាំដើម្បីបំពេញចិត្តអតិថិជន ជាមួយនឹងគុណតម្លៃ និងអត្ថប្រយោជន៍ដ៏ច្រើនសម្បើម ស្របពេលដែលយើងទាំងអស់គ្នា កំពុងទន្ទឹងរង់ចាំឱ្យស្ថានភាពប្រែទៅរកភាពល្អប្រសើរឡើងវិញក្នុងពេលអនាគតខាងមុខនេះ” ។

“អតិថិជនទាំងអស់ពិតជាអាចជឿជាក់បានថា សែលកាតនឹងនៅចាំបម្រើលោកអ្នកជានិច្ច ក៏ដូចជាផ្តល់ជូននូវគុណតម្លៃ និងសេវាកម្មប្រកបដោយគុណភាពល្អបំផុត ជាមួយនឹងបណ្តាញទូរស័ព្ទ 4G LTE ដ៏លឿនជាងគេបំផុត”។

“គម្រោងដ៏អស្ចារ្យនេះ បានបង្ហាញយ៉ាងច្បាស់នូវមោទនភាព និងការប្តេជ្ញាចិត្តដ៏មុតមាំរបស់សែលកាត ក្នុងនាមជាប្រតិបត្តិករដែលគ្រប់គ្រងដោយជនជាតិខ្មែរតែមួយគត់នៅក្នុងប្រទេសកម្ពុជា”។

លោក វ៉ាតសុន បានបន្តទៀតថា ក្រុមការងាររបស់សែលកាត នឹងបន្តខិតខំរិះរកវិធីថ្មីៗដើម្បីជួយអតិថិជនឱ្យរក្សាទំនាក់ទំនងបានល្អជាមួយមនុស្សជុំវិញ បន្តការសិក្សាប្រកបដោយប្រសិទ្ធភាព និងប្រាស្រ័យទាក់ទងតាមបណ្តាញសង្គមទៅតាមតម្រូវការរបស់ពួកគេ។

អតិថិជនអាចស្វែងរកស៊ុមរូបថត 4U បានក្នុងកម្មវិធី Cellcard និងនៅលើទំព័រហ្វេសប៊ុក Cellcard Play ។ អ្នកឈ្នះចំនួន ៥រូប នឹងត្រូវជ្រើសរើសជារៀងរាល់ថ្ងៃ ចាប់ពីថ្ងៃទី ០១ ខែឧសភាតទៅ។

អតិថិជនសែលកាតទាំងអស់ អាចប្តូរទៅប្រើគម្រោង 4U បានដោយគ្រាន់តែចុច *5000*1# ។

អតិថិជនថ្មី អាចតេមកកាន់លេខ 012 812 812 ឬអញ្ជើញទៅកាន់ហាង ឬភ្នាក់ងារណាមួយរបស់សែលកាត ដើម្បីទទួលបានស៊ីមដោយឥតគិតថ្លៃ និងចូលរួមទទួលអត្ថប្រយោជន៍ដ៏ច្រើនសម្បើមពីគម្រោង 4U៕

អ្នកក៏អាចអានផងដែរ

សីហា, ថ្ងៃ​ច័ន្ទ 03, 2020

ក្នុងថ្ងៃនេះ ក្រុមហ៊ុនសែលកាត ត្រូវបានប្រកាសទទួលស្គាល់ដោយស្ថាប័ន OpenSignal ជា...

កក្កដា, ថ្ងៃ​ព្រហស្បតិ៍ 23, 2020

សែលកាត ដែលជាក្រុមហ៊ុនបណ្តាញទូរស័ព្ទចល័តជាមោទនភាពរបស់ជាតិខ្មែរ បានប្រកាសក្នុងថ...

កក្កដា, ថ្ងៃ​ពុធ 22, 2020

សូមអតិថិជនទាំងអស់ មេត្តាជ្រាបនិងត្រូវប្រយ័ត្នឱ្យបានខ្ពស់ ចំពោះល្បិចឆបោកបែបថ្ម...

កក្កដា, ថ្ងៃ​ព្រហស្បតិ៍ 09, 2020

នាថ្ងៃនេះ ក្រោមកិច្ចសហការជាមួយសហព័ន្ធកីឡាអេឡិចត្រូនិចកម្ពុជា (EFC) ក្រុមហ៊ុនស...

សមិទ្ធិផលពានរង្វាន់បណ្តាញសេវារបស់សែលកាត