សែលកាតជំរុញទឹកចិត្តយុវជនឲ្យសម្រេចក្តីស្រមៃ | សែលកាត

សែលកាតជំរុញទឹកចិត្តយុវជនឲ្យសម្រេចក្តីស្រមៃ

ថ្ងៃចេញផ្សាយ: មិថុនា, ថ្ងៃ​សុក្រ 09, 2017

សែលកាត ប្រារព្ធពិធីសម្ពោធ​វីដេអូនៃការជំរុញយុវជនឲ្យសម្រេចក្តីស្រមៃ ( Youth Pledge) ជាផ្លូវការក្រោមយុទ្ធនាការ #LightUpKH  ​ជាមួយការប្រគំតន្រ្តី ការដើរម៉ូត​ និ​ងសកម្មភាពកំសាន្តសប្បាយៗជាច្រើន ដោយមានអ្នកចូលរួមយ៉ាងច្រើនកុះករ​​​​ ធ្វើឲ្យកក្រើកនៅ​ Urban Beer House នារាត្រីថ្ងៃ​​ 9​ មិថុនា​។

វីដេអូនៃការជំរុញយុវជនឲ្យសម្រេចក្តីស្រមៃដែលបានដាក់សម្ពោធនេះជា វីដេអូចម្រៀងថ្មី​ មិនចម្លងគេប្លែក​ មួយដែលរៀបរាប់អំពីរឿងរ៉ាវយុវវ័យក្នុងការពុះពារគ្រប់ឧបសគ្គដើម្បីសម្រេចនូវក្ដីសុបិន និងភាពជោគជ័យរបស់ខ្លួន។

ការផលិតវីដេអូនេះផលិតឡើងក្នុងគោលបំណងទាក់ទាញចំណាប់អារម្មណ៍យុវជន ជំរុញពួកគេឲ្យដុះខាត់ជំនាញ​ ពង្រឹងស្មារតី និងទេពកោសល្យដើម្បីអនាគតរបស់ខ្លួន។

ខ្លឹមសារបទចម្រៀងក្នុងវីដេអូនេះផ្អែកលើ គុណតម្លៃរបស់ក្រុមហ៊ុនដែលក្នុងមានដួចជា​ ភាពច្នៃប្រឌិត ភាពស្មោះត្រង់ ឆន្ទៈ ជំនឿចិត្ត តម្លាភាព និងភាពរីករាយ។

វីដេអូនេះត្រូវបានផលិតឡើងដោយយុវផលិតករភាពយន្តខ្មែរ លោកសោម ចាន់រិទ្ធ   និងក្រុមអ្នកច្រៀមរ៉េប Juvie Lin ជាមួយសមាជិកក្រុមរាំ Polarix របស់គាត់ ។

នាយកប្រតិបត្តិក្រុមហ៊ុនសែលកាត លោក អៀន វ៉ាតសុន បានមានប្រសាសន៍ថា វីដេអូនេះ មានភាពទាក់ទាញដោយសារ ទំនុកច្រៀង និងឈុតនីមួយៗដែលបង្ហាញអំពីសកម្មភាពរបស់យុវជនម្នាក់ៗកំពុងស្ថិតលើផ្លូវនៃដំណើរឆ្ពោះទៅមុខ និងភាពអស្ចារ្យរៀងៗខ្លួន។

“​ យើងជឿជាក់ថាយើងមានយុវជនជាច្រើន ពោរពេញដោយទេព្យកោសល្យថ្មីៗ ដែលត្រូវការ ការលើកទឹកចិត្ត និងគាំទ្រ។”

“ជាក់ស្តែងយុវទុតរបស់យើង មានដូចជា កញ្ញា​ រ៉េត​ ស៊ូហ្សាណា ​ ស៊ន សៀវម៉ី​  Juvie Lin និង ចាន់រិទ្ធ សុទ្ធតែជាអ្នកមានទេពកោសល្យពីធម្មជាតិ និងការប្ដេជ្ញាចិត្តខ្ពស់ ដើម្បីសម្រេចក្តីស្រមៃរបស់ពួកគេឲ្យបានដោយជោគជ័យ។”

លោក វ៉ាតសុន បានថ្លែងបន្តទៀតថា តំណាងទូតសុឆន្ទៈរបស់សែលកាត ជាគំរូដ៏ល្អ ហើយសែលកាត មានមោទនភាពដោយមានពួកគេចូលរួមក្នុងព្រឹត្តិការណ៍នានារបស់យើង ។ សែលកាតក៏បានជ្រើសរើសតំណាងទូតសុឆន្ទៈប្រាំរូបផ្សេងទៀតដែលជានិស្សិតសាកលវិទ្យាល័យផងដែរ។

លោកថ្លែងបញ្ជាក់ថា “សង្ឃឹមថា យុវជនខ្មែរ រីករាយជាមួយវីដេអូទាក់ទងនិងការប្ដេជ្ញាចិត្តររបស់យើង ហើយអាចកំណត់បាននូវអត្តសញ្ញាណ និងស្វែងយល់តាមរយៈវីដេអូនេះថា សែលកាត យល់ច្បាស់អំពីការពុះពារតស៊ូរបស់ពួកគេ និងគាំទ្រពួកគេទាំងនោះដែលបង្ហាញពីការសន្យា និងការតាំងចិត្តខ្ពស់។”

វីដេអូនេះកំពុងផ្សាយផ្ទាល់លើទំព័រហ្វេសប៊ុក និង YouTube របស់ សែលកាត ហើយកំពុងចាក់បញ្ចាំងនៅរាល់ពេលប្រកាសសម្ពោធខ្សែភាពយន្តថ្ងៃដំបូងនៅរោងភាពយន្ត Major Cineplex។

 

អ្នកក៏អាចអានផងដែរ

ធ្នូ, ថ្ងៃ​អង្គារ 01, 2020

បន្ទាប់ពីការរៀបចំ និងអភិវឌ្ឍផលិតផលគំរោងរបស់ខ្លួនអស់រយៈពេលជាច្រើនខែមក ថ្ងៃនេះក...

វិច្ឆិកា, ថ្ងៃ​ពុធ 25, 2020

វណ្ណដា ដែលជាតារាចម្រៀងរ៉េបដ៍ល្បី ប្រចាំប្រទេសកម្ពុជានាពេលបច្ចុប្បន្ននេះ ត្រូវ...

វិច្ឆិកា, ថ្ងៃ​ពុធ 11, 2020

ក្នុងថ្ងៃនេះ សែលកាត ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនរ៉ូយ៉ាល់គ្រុប បាន...

តុលា, ថ្ងៃ​សៅរ៍ 24, 2020

ក្រុមហ៊ុនសែលកាត មានមោទនភាពដោយប្រកាសនូវកិច្ចសហការជាដៃគូជាមួយអង្គការ Terre des ...

សមិទ្ធិផលពានរង្វាន់បណ្តាញសេវារបស់សែលកាត