សែលកាតគាំទ្រដល់យុទ្ធនាការកុំនិយាយទូរស័ព្ទពេលបើកបរ ទូទាំងប្រទេស

ថ្ងៃនេះ​​​សែលកាតបានប្រកាសពីការនៅតែបន្តគាំទ្រយុទ្ធនាការកុំប្រើទូរស័ព្ទពេលបើកបរ ដែលជាគំនិតផ្ទួចផ្តើម និងសំរបសំរួលដោយ Asia Injury Prevention (AIP) Foundation។

ប្រធានផ្នែកទីផ្សារ លោក​ ផុន​ ណាវុឌ្ឍ​ បានចូលរួមកម្មវិធីជជែកពិភាក្សាពីយុទ្ធនាការនេះដែល បានចាប់ផ្តើមលើកដំបូងកាលពីខែកុម្ភះ។ យុទ្ធនាការនេះ ធ្វើឡើងក្នុងគោលបំណង ដើម្បីកាត់បន្ថយគ្រោះថ្នាក់ចរាចរណ៍ ទាំងករណីស្លាប់ និងរងរបួស​ដោយសារការ ប្រើប្រាស់ ទូរស័ព្ទពេលបើកបរ។​

លោក ណាវុឌ្ឍ វាគ្មិន និងអ្នកចូលរួមដទៃទៀត បានជជែកពិភាក្សាពី ផែនការសកម្មភាព ដើម្បីឲ្យការអនុវត្តឲ្យកាន់តែមានប្រសិទ្ធភាព ក្នុងការកាត់បន្ថយការប្រើទូរស័ព្ទ ពេលកំពុងបើកបរ និងត្រូវការការចូលរួមពីរដ្ឋាភិបាល យុវជន និង ស្ថាប័ននានាដើម្បីសហការគ្នា។

នាយកប្រតិបត្តិក្រុមហ៊ុនសែលកាត លោក អៀន​​ វ៉ាតសុន បានលើកឡើងថា សែលកាតនៅតែបន្តគាំទ្រពាំនាំសារ – កុំប្រើទូរស័ព្ទក្នុងពេលបើកបរ អ្នកអាចបង្កគ្រោះថ្នាក់ចរាចរណ៍ ក្នុងប្រព័ន្ធផ្សព្វផ្សាយក្នុងសារជាអក្សរ​ គេហទំព័រ និង បណ្តាញសង្គមរបស់សែលកាត។