សែលកាត អបអរសាទរការឈ្នះពានរង្វាន់លើកទី15 របស់ខ្លួនសម្រាប់ឆ្នាំ 2019 | សែលកាត

សែលកាត អបអរសាទរការឈ្នះពានរង្វាន់លើកទី15 របស់ខ្លួនសម្រាប់ឆ្នាំ 2019

ថ្ងៃចេញផ្សាយ: ធ្នូ, ថ្ងៃ​អង្គារ 10, 2019

សែលកាតមានមោទនភាពក្នុងការទទួលរង្វាន់ពីទស្សនាវដ្តី Global Brands ក្នុងនាមជាក្រុមហ៊ុនទូរគមនាគមន៍ជាទីទុកចិត្តបំផុតនៅកម្ពុជាសម្រាប់ឆ្នាំទីពីជាប់គ្នា។

ទស្សនាវដ្តីខាងលើបានចេញផ្សាយអ្នកឈ្នះពានរង្វាន់នៅសប្តាហ៍នេះដោយផ្តល់រង្វាន់កិត្តិយសចំនួនពីរដល់សែលកាតគឺ ពានរង្វាន់“ប្រតិបត្តិករទូរគមនាគមន៍ជាទីទុកចិត្តបំផុត” និងពានរង្វាន់ “ភាពល្អឥតខ្ចោះក្នុងឧស្សាហកម្មទូរគមនាគមន៍” ដោយទទួលស្គាល់សមត្ថភាពដឹកនាំរបស់ លោក ចនចន ណាវ៉ាល់ (Jonjon Naval) ប្រធានផ្នែកបច្ចេកវិទ្យារបស់សែលកាត។

ពានរង្វាន់ទាំងពីរនេះនឹងត្រូវប្រគល់ជូនជាផ្លូវការនៅក្នុងពិធីប្រគល់រង្វាន់នៅទីក្រុងឌូបៃនាខែមេសាឆ្នាំក្រោយ។ ការទទួលបានពានរង្វាន់ទាំងពីរនេះមានន័យថាសែលកាតបានទទួលពានរង្វាន់សរុបរហូតដល់ចំនួន២៦ដែលនេះជាការទទួលស្គាល់គុណភាពបណ្តាញ និងលទ្ធផលប្រតិបត្តិការអាជីវកម្មរបស់សែលកាត ចាប់តាំងពីការដាក់ប្រើបណ្ដាញសេវាអ៊ីនធើណិតល្បឿនលឿន 4G LTE របស់ខ្លួនកាលពីខែមករាឆ្នាំ ២០១៧មក។

លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែលកាតបានលើកឡើងថាឆ្នាំ ២០១៩ គឺជាឆ្នាំដ៏ល្អប្រសើរសម្រាប់សែលកាត។

លោក អៀន វ៉ាតសុន បានបន្ដថា៖​ “នៅឆ្នាំនេះ សែលកាតបានឈ្នះពានរង្វាន់ចំនួន ១៥ ដែលផ្ដល់ដោយ​ ស្ថាប័នឈានមុខគេមានដូចជាស្ថាប័ន Ookla ស្ថាប័នOpen ស្ថាប័នSignal ស្ថាប័នSilicon Review ទស្សនាវដ្តីInternational Business ទស្សនាវដ្តីInternational Finance ស្ថាប័នTelecom Asia ស្ថាប័ន CMO Asia និងជាចុងក្រោយនេះ ទស្សនាវដ្តី Global Brands។

ជាងនេះទៅទៀត សែលកាតបានចូលរួមយ៉ាងសកម្មក្នុងព្រឹត្តិការណ៍តំបន់ និងពិភពលោកដើម្បីលើកកម្ពស់កិត្តិនាមរបស់សែលកាតក៏ដូចជាការបង្ហាញថាប្រទេសកម្ពុជាជាប្រទេសអាស៊ានច្នៃប្រឌិតមួយដែលឈានមុខគេ។

ការទទួលស្គាល់តាមរយៈពានរង្វាន់ជាច្រើនបញ្ជាក់ថាយើងកំពុងដើរលើផ្លូវត្រូវឆ្ពោះទៅរកការសម្រេចឲ្យបាននូវចក្ខុវិស័យរបស់យើងដែលចង់ឲ្យប្រទេសកម្ពុជាក្លាយជាប្រទេសឌីជីថលពេញលេញ។”

ជាចុងក្រោយ លោក អៀន វ៉ាតសុន បានថ្លែងអំណរគុណដល់ក្រុមការងារសែលកាតទាំងមូល​ចំពោះ ការយកចិត្តទុកដាក់ ការប្តេជ្ញាចិត្ត និងឆន្ទៈក្នុងការខិតខំប្រឹងប្រែងបម្រើប្រជាជនកម្ពុជា។

អ្នកក៏អាចអានផងដែរ

មេសា, ថ្ងៃ​ពុធ 08, 2020

Orange Esports PUBG Mobile ដែលជាក្រុមកីឡាអេឡិចត្រូនិចដ៏លេចធ្លោជាងគេបំផុតមួយនៅ...

មិនា, ថ្ងៃ​ច័ន្ទ 30, 2020

  ក្នុងថ្ងៃនេះ ក្រុមហ៊ុនសែលកាត ដែលជាបុត្រសម្ព័ន្ធរបស់ក្រុមហ៊ុនរ៉ូយ៉ាល់គ្...

មិនា, ថ្ងៃ​សុក្រ 27, 2020

សែលកាតបានប្រកាសថា ក្រុមហ៊ុននឹងផ្តល់ជូននូវការហៅទូរស័ព្ទចេញនិងផ្ញើសារដោយឥតគិតថ្...

មិនា, ថ្ងៃ​សុក្រ 27, 2020

ថ្ងៃនេះក្រុមហ៊ុនសែលកាត បានប្រកាសដាក់អោយប្រើប្រាស់បច្ចេកវិទ្យា 5G ជាលើកដំបូងនក...

សែលកាតឈ្នះពានរង្វាន់បណ្ដាញសេវាអ៊ីនធើណិតលឿនជាងគេបំផុតនៅកម្ពុជា !