ក្រសួងអប់រំយុវជន និង កីឡា ជាមួយសែលកាតសហការគាំទ្រគំនិតផ្ដួចផ្ដើមរបស់ សាកលវិទ្យាល័យ វេស្ទើន រៀបចំការប្រកួតពានរង្វាន់បាល់ទះក្របខណ្ឌសិស្សវិទ្យាល័យ ឆ្នាំ2016 | សែលកាត

ក្រសួងអប់រំយុវជន និង កីឡា ជាមួយសែលកាតសហការគាំទ្រគំនិតផ្ដួចផ្ដើមរបស់ សាកលវិទ្យាល័យ វេស្ទើន រៀបចំការប្រកួតពានរង្វាន់បាល់ទះក្របខណ្ឌសិស្សវិទ្យាល័យ ឆ្នាំ2016

ថ្ងៃចេញផ្សាយ: ឧសភា, ថ្ងៃ​ច័ន្ទ 02, 2016

ភ្នំពេញ ថ្ងៃទី12 កុម្ភៈ៖ ដោយបានប្រកាសជាផ្លូវការថ្ងៃនេះនៅពហុកីឡាដ្ឋានអូឡាំពិកក្រោម អធិបតីភាពដ៏ខ្ពង់ខ្ពស់ ឯកឧត្តម ស៊ាន បូរ៉ាត់ រដ្ឋលេខាធិការក្រសួងអប់រំយុវជន និងកីឡា ការប្រកួតកីឡាបាល់ទះក្របខណ្ឌសិស្សវិទ្យាល័យ នឹងមានក្រុមកីឡាចំនួន 26ក្រុម ត្រូវមក ប្រកួតគ្នាដណ្ដើមជើងឯកពានរង្វាន់បាល់ទះសាកលវិទ្យាល័យ វេស្ទើន (Western Volleyball Cup) ប្រចាំឆ្នាំនេះ។

នេះជាឆ្នាំទីប្រាំពីរហើយដែលសាកលវិទ្យាល័យវេស្ទើន បានរៀបចំឲ្យមានការប្រកួតដណ្ដើម ពានរង្វាន់នេះឡើង ហើយសម្រាប់ពានរង្វាន់នេះដែរក៏មានគោលបំណង ដើម្បីលើកកម្ពស់ វិស័យកីឡា បង្កើនស្មារតីប្រកួតប្រជែងចំពោះយុវជន ក៏ដូចជាឱកាសស្វែងរកកីឡាករដែលមាន ទេពកោសល្យ និងមានផ្ដល់ជូនជារង្វាន់ទឹកប្រាក់ និងអាហារូបករណ៍សិក្សាផងដែរ។

ពានរង្វាន់បាល់ទះសាកលវិទ្យាល័យ វេស្ទើន ឆ្នាំនេះ ផ្ដល់ជូនសម្រាប់ជើងឯកទទួលបាន ចំណាត់ថ្នាក់លេខមួយ នូវទឹកប្រាក់ចំនួនដប់លានរៀល ប្រាំមួយលានរៀលសម្រាប់ចំណាត់ថ្នាក់លេខពីរ បួនលានរៀលសម្រាប់ចំណាត់ថ្នាក់លេខបី និងចំណាត់ថ្នាក់លេខបួនទទួលបានបីលានរៀល។ ដោយឡែកចំពោះក្រុមដែលមិនជាប់ចំណាត់ថ្នាក់ក្នុងការប្រកួត ក៏ទទួលបានទឹកប្រាក់ម្ភៃប្រាំម៉ឺនរៀលផងដែរ។ លើសពីនេះសម្រាប់ក្រុមទាំងអស់ដែលបានចូលរួមការប្រកួត ក៏ទទួលបានសម្ភារកីឡាមួយចំនួន និងអាហារូបករណ៍ 50% រយៈពេល4ឆ្នាំ សិក្សានៅសាកលវិទ្យាល័យ វេស្ទើន ទៀតផង។

ការប្រកួតជម្រុះធ្វើឡើងរៀងរាល់សប្ដាហ៍ នៅតាមវិទ្យាល័យមួយចំនួនក្នុងរាជធានីភ្នំពេញ ហើយគ្រោងនឹងបញ្ចប់ក្នុងពាក់កណ្ដាលខែមីនា។ សម្រាប់ពេលវេលាប្រកួតលម្អិត និងព័ត៌មានថ្មីៗនៃការប្រកួត សូមចូលទៅកាន់ ទំព័រហ្វេសប៊ុករបស់សែលកាត អំពីពេលវេលាប្រកួត លទ្ធផល វីដេអូ និងផ្សេងៗជាច្រើនទៀត។

ឆ្លៀតឱកាសនេះដែរ លោក ឡាស្លូ បារតា នាយកផ្នែកពាណិជ្ជកម្ម ក្រុមហ៊ុនសែលកាត បានថ្លែង ថា “កីឡាដើរតួនាទីសំខាន់ណាស់ក្នុងការកសាងគុណតម្លៃស្នូលដូចបង្កើនស្មារតីក្រុម រឹតចំណងសាមគ្គីភាព មិត្តភាព និងវិន័យ បង្កើនភាពរីករាយ និងជួយឲ្យសុខភាពល្អរឹងមាំ។ ក្នុងនាមជាក្រុមហ៊ុនមួយ យើងឲ្យតម្លៃចំពោះលក្ខណៈទាំងនេះនៅកន្លែងការងារ ហើយយើងជឿថាការអប់រំនូវគុណតម្លៃទាំងនេះដល់យុវជន នឹងផ្ដល់ឲ្យពួកគេនូវមូលដ្ឋានគ្រឹះល្អ និងគុណសម្បត្តិសម្រាប់ការប្រកួតប្រជែងនៅពេលពួកគេចាប់ផ្ដើមឈានជើងចូលក្នុង សង្គមការងារនាពេលអនាគត។”

អ្នកឧបត្ថម្ភផ្សេងៗទៀតសម្រាប់ការប្រកួតនេះមានដូចជាក្រុមហ៊ុនភេសជ្ជៈ M-150 ក្រុមហ៊ុនភេសជ្ជៈកម្ពុជា សាលាអន្តរជាតិ វេស្ទើន និងមជ្ឈមណ្ឌលបណ្ដុះបណ្ដាល វេស្ទើន ជាដើម។ សប្បុរសជន ដែលមានចំណាប់អារម្មណ៍ចង់ចូលរួមឧបត្ថម្ភការប្រកួតពានសាកលវិទ្យាល័យ វេស្ទើន នេះអាចទាក់ទងផ្ទាល់នៅសាកលវិទ្យាល័យ វេស្ទើន ដែលមានអាសយដ្ឋាននៅអគារលេខ15 ផ្លូវ528 សង្កាត់បឹងកក់ទី1 រាជធានីភ្នំពេញ។

cc-western-1-20160307 cc-western-3-20160307 cc-western-4-20160307 cc-western-2-20160307

អ្នកក៏អាចអានផងដែរ

មិថុនា, ថ្ងៃ​សុក្រ 19, 2020

កម្មវិធីឈ្នះ១ម៉ឺនដុល្លាររៀងរាល់ថ្ងៃរបស់សែលកាត បានបន្តរកឃើញអ្នកមានសំណាងម្នាក់ទ...

មិថុនា, ថ្ងៃ​អង្គារ 09, 2020

កម្មវិធីឈ្នះ១ម៉ឺនដុល្លាររៀងរាល់ថ្ងៃរបស់ក្រុមហ៊ុនសែលកាត បានផ្តល់ជូនអតិថិជនមហាស...

ឧសភា, ថ្ងៃ​ពុធ 27, 2020

ក្រុមហ៊ុន សែលកាត មានក្តីសោមនស្សជាខ្លាំងក្នុងការរៀបចំនូវព្រឹត្តិការណ៍ប្រគុំតន្...

ឧសភា, ថ្ងៃ​ព្រហស្បតិ៍ 07, 2020

ដើម្បីឱ្យអតិថិជនកាន់តែសប្បាយរីករាយថែមទៀត ក្រុមហ៊ុនសែលកាតបានធ្វើការផ្តល់ជូននូវ...

សែលកាតឈ្នះពានរង្វាន់បណ្ដាញសេវាអ៊ីនធើណិតលឿនជាងគេបំផុតនៅកម្ពុជា !