ក្រុមហ៊ុនfranchise ពីអាមេរិកក្លាយជាដៃគូចែកចាយផ្តាច់មុខថ្មីរបស់Cellcard | សែលកាត

ក្រុមហ៊ុនfranchise ពីអាមេរិកក្លាយជាដៃគូចែកចាយផ្តាច់មុខថ្មីរបស់Cellcard

ថ្ងៃចេញផ្សាយ: តុលា, ថ្ងៃ​អង្គារ 30, 2018

ហាងទំនិញមកពីសហរដ្ឋអាមេរិក ដែលដំណើរការនៅប្រទេសនានាជុំវិញពិភពលោក Circle K ចុះហត្ថលេខាលើកិច្ចព្រមព្រៀងចែកចាយផ្តាច់មុខជាមួយក្រុមហ៊ុនCellcard។

ការចាប់ដៃគូជាមួយហាង Circle K នេះ គឺដើម្បីចែកចាយស៊ីមកាតសែលកាត ក៏ដូចជាអនុញ្ញាតឱ្យ​ហាង​ ​Circle K ចូលរួមក្នុងយុទ្ធនាការឌីជីថលរបស់ សែលកាត ដើម្បីបង្កើនការយល់ដឹងពីក្រុមហ៊ុន​ ​franchis​e​ នេះឲ្យបានកាន់តែច្បាស់។

អ្នកតំណាងហាង Circle K បាននិយាយថា៖ «ពួកយើងរីករាយក្នុងការចាប់ដៃគូជាមួយក្រុមហ៊ុន Cellcard ពួកយើងមានអារម្មណ៍ថា Cellcard គឺស័ក្តិសមនឹងហាង Circle K។  ក្រុមហ៊ុន Cellcard មិនត្រឹមតែជាក្រុមហ៊ុនខ្មែរក្នុងស្រុកតែមួយប៉ុណ្ណោះទេ តែការប្តេជ្ញាចិត្តក្នុងការផ្តល់ជូនប្រជាជនកម្ពុជានូវការភ្ជាប់ទំនាក់ទំនងដ៏ល្អ ក៏ដូចជាការទទួលស្គាល់ពីអន្តរជាតិថាជាក្រុមហ៊ុនឈានមុខគេលើបណ្តាញទូរគមនាគមន៍ គឹជាអ្វីដែលយើងជាអ្នកចំណូលថ្មីចង់ចូលរួមចំណែកនៅក្នុងប្រទេសកម្ពុជា។»

ហាង Circle K បានបើកដំណើរការសាខាទីមួយរបស់ខ្លួននៅរាជធានីភ្នំពេញ នៅខណ្ឌទួលគោក នៅដើមឆ្នាំនេះ ហើយបានបន្តពង្រីកខ្លួនយ៉ាងជោគជ័យដល់ទៅ១៥សាខា ហើយហាងដែល​ជោគជ័យខ្លាំងជាងគេនោះគឺនៅសាខាជិតសកលវិទ្យាល័យភូមិន្ទ​​ភ្នំពេញ។ ​ហាងដែលទទួលបានអាជ្ញាប័ណ្ឌពីអាមេរិកនេះ គ្រោងពង្រីកខ្លួនរហូតដល់ទៅ៤០ហាងនៅរាជធានី​ ​ភ្នំ​ពេញ​​ ​ក្នុងពេលប៉ុន្មានខែខាងមុខនេះ រួមបញ្ចូលទាំងការពង្រីកសាខាទៅខេត្តសៀម​រាប​ ​និង​ ​ខេត្ត​​ព្រះសីហនុផងដែរ។

លោក អៀន វ៉ាត់សុន (Ian Watson) នាយកប្រតិបត្តិក្រុមហ៊ុនCellcard បានមានប្រសាសន៍ថា​​៖​ ​«​ការពង្រីកការចែកចាយស៊ីមកាតរបស់យើងគឺជាអ្វីដែលយើងកំពុងធ្វើការ។ ជាមួយនឹងការ​​ពង្រីកបច្ចេកវិទ្យា4G យើងធានាថាផលិតផលរបស់យើងគឹជាអ្វីដែលអតិថិជនចង់បាន​ ​ដោយធានាពីភាពងាយស្រួលក្នុងការស្វែងរកផលិតផលរបស់យើង ទាំងនៅកន្លែងដែលពួកគេរស់នៅ និងធ្វើការផងដែរ។ ខណៈពេលដែលយើងមិនទាន់មានដៃគូចែក​ចាយផ្តាច់មុខនៅឡើយ យើងក៏បានចាប់ដៃគូជា​មួយហាងទំនិញដែលកំពុងមានការរីកដុះដាលខ្លាំង ហើយវាបានក្លាយជាកន្លែងសម្រាប់​សិស្សានុសិស្ស និងអ្នកធ្វើការអាចណាត់ជួបជុំគ្នា។​ ការចាប់ដៃគូសហការនេះក្នុងគោលបំណងបង្កើនភាពជិតស្និទ្ធជាមួយយុវជនមួយកម្រិតទៀត។ យើងទនឹងសហការជាមួយហាង​ ​Circle K និងធ្វើការយ៉ាងជិតស្និទ្ធជាមួយពួកគេដើម្បីសម្រេចគោលបំណងជាច្រើនរបស់ពួកយើង។»

សកម្មភាពផ្សេងៗក្នុងភាពជាដៃគូរវាងហាង Circle K និង ក្រុមហ៊ុនសែលកាត នឹងមាននៅលើទំព័របណ្តាញសង្គមរបស់ពួកគេក្នុងពេលឆាប់ៗខាងមុខនេះ៕

អ្នកក៏អាចអានផងដែរ

មិថុនា, ថ្ងៃ​ច័ន្ទ 28, 2021

ក្រុមហ៊ុនសែលកាត និងអង្គការ People in Need (PIN) កម្ពុជា នឹងធ្វើការរួមគ្នាដើម្...

មិថុនា, ថ្ងៃ​ព្រហស្បតិ៍ 17, 2021

នេះជាផ្នែកមួយនៃការប្តេជ្ញាចិត្តរបស់ក្រុមហ៊ុនក្នុងការជួយកសាងចំណេះដឹង និងសមត្ថភ...

មិថុនា, ថ្ងៃ​ព្រហស្បតិ៍ 17, 2021

នៅថ្ងៃសុក្រ ២កើត ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១១ ខែ មិ...

ឧសភា, ថ្ងៃ​សុក្រ 14, 2021

ក្រុមហ៊ុនសែលកាត បានបើកស្តង់សុវត្ថិភាពពិសេស ចំនួនបីទីតាំងនៅក្នុងរាជធានីភ្នំពេញ...

សមិទ្ធិផលពានរង្វាន់បណ្តាញសេវារបស់សែលកាត