អំពីក្រុមហ៊ុន សែលកាត

ភ្ជាប់ទំនាក់ទំនងជូនប្រទេសកម្ពុជាជិតបីទសវត្សរ៍

អស់រយៈពេលជិត ៣០ ឆ្នាំកន្លងមកនេះ ក្រុមហ៊ុន សែលកាត បានដើរតួនាទីជាមូលដ្ឋានគ្រឹះក្នុងការផ្តល់សេវាទូរគមនាគមន៍ទាន់ចិត្តនៅក្នុងប្រទេសកម្ពុជា។ ចាប់ផ្តើមដំណើរការនៅឆ្នាំ ១៩៩៧ ក្រុមហ៊ុន សែលកាត គឺជាប្រតិបត្តិករទូររគមនាគមន៍ក្នុងស្រុក ១០០% ដែលឈរជើងយូរជាងគេនៅកម្ពុជា។ យើងបានបង្កើតកេរដំណែល នៃការផ្តល់សេវាទូរស័ព្ទចល័តល្បឿនលឿនទាន់ចិត្ត ដែលលើសពីការរំពឹងទុក។ក្រុមហ៊ុន សែលកាត មានវត្តមានរឹងមាំ និងមានទំនាក់ទំនងយ៉ាងស៊ីជម្រៅ ជាមួយប្រជាជនកម្ពុជា ដោយសារ ការបម្រើអតិថិជនជាងបួនលាននាក់ និងដើរតួនាទីយ៉ាងសំខាន់ ក្នុងវិស័យទូរគមនាគមន៍ របស់ប្រទេស។

ក្រុមហ៊ុនបានកំពុងផ្តល់សេវាទូរស័ព្ទគ្រប់តំបន់ និងបណ្តាញអ្នកចែកចាយលក់ ទូទាំងប្រទេស។ ទស្សនវិស័យរបស់ក្រុមហ៊ុន គឺចង់ក្លាយជាអ្នកនាំមុខបរិវត្តកម្មឌីជីថល ក្នុងវិស័យទូរគមនាគមន៍នៅកម្ពុជា។

ប្រវត្តិ នៃការធ្វើនវានុវត្តន៍

ក្រុមហ៊ុន សែលកាត មានឈ្មោះដើមជាក្រុមហ៊ុន ខេម ជ្ជី អេស អេម អែលធីឌី (មូបីតែល) មានបណ្តាញ GSM នៅក្នុងឆ្នាំ១៩៩៧ ដែលជាការធ្វើបដិវត្តវិស័យទូរគមនាគមន៍ដំបូងបង្អស់ នៅក្នុងប្រទេសកម្ពុជា។ ចំណាយពេលតែមួយឆ្នាំ ក្រុមហ៊ុន សែលកាត បានបើកដំណើរការសេវាកម្ម ឈ្មោះថា បង់ប្រាក់ជាមុន (PREPAID) ដំបូងបង្អស់នៅកម្ពុជា ហើយមានតំបន់សេវាទូរស័ព្ទទូទាំងប្រទេស។ ការដែលមានតំបន់សេវាទូរស័ព្ទទូទាំងប្រទេសនេះ ធ្វើឱ្យក្រុមហ៊ុនបានក្លាយជា ក្រុមហ៊ុននាំមុខក្នុងវិស័យទូរគមនាគមន៍នៅកម្ពុជា។

ការធ្វើនវានុវត្តន៍ គឺជាបេះដូងរបស់ក្រុមហ៊ុន យើងបាននាំយកមកនូវ សេវាកម្ម ផ្ញើសារជាអក្សរ SMS និងសេវាកម្ម រ៉ូមីងដំបូងគេនៅឆ្នាំ ១៩៩៨ បន្ទាប់មក យើងបាននាំយកមកនូវ សេវាកម្ម បណ្តាញ 3G និងកញ្ចប់សេវាកម្មបន្ថែមក្នុងឆ្នាំ ២០០៥។ ក្រុមហ៊ុនបានផ្លាស់ប្តូរទៅប្រើម៉ាកយីហោឈ្មោះ សែលកាត ក្នុងឆ្នាំ ២០០៧ នៅពេលនោះ ក្រុមហ៊ុនបានវិនិយោគជាទឹកប្រាក់ចំនួន 200 លានដុល្លារអាមេរិក លើសេវាកម្មបណ្តាញ( NGN) ដើម្បីឱ្យសម្រេចបាននូវបច្ចេកវិទ្យាទំនើប។

នៅឆ្នាំ ២០០៩ ក្រុមហ៊ុន រ៉ូយ៉ាល់គ្រុប បានទិញភាគហ៊ុន ពីក្រុមហ៊ុន រ៉ូយ៉ាល់ មីលីខម (Royal Millicom Co., Ltd ) ដែលបានធ្វើឱ្យក្រុមហ៊ុន សែលកាត បានក្លាយជាប្រតិបត្តិករទូរគមនាគមន៍១០០% ក្នុងស្រុកតែមួយគត់ នៅកម្ពុជា។ កេរ្តិ៍ឈ្មោះនេះ បានក្លាយជាមូលដ្ឋានគ្រឹះនៃម៉ាកយីហោ ដែលសព្វថ្ងៃនៅតែបន្តពាក្យស្លោកថា មោទនភាពជាខ្មែរ។ យើងបានបន្ត នាំមុខគេ ក្នុងការទូទាត់ប្រាក់តាមទូរស័ព្ទដំបូងគេក្នុងឆ្នាំ ២០១០ មានកម្មវិធីភក្ដីភាពជាមួយក្រុមហ៊ុន (loyalty program ) លើកដំបូងក្នុងឆ្នាំ ២០១៣ និងនាំយកមកនូវ អង់តែនខ្នាតតូច សម្រាប់ការពង្រឹងសេវាគ្របដណ្តប់នៅក្នុងអាគារ។ ការបើកឱ្យដំណើរការសេវាកម្ម បណ្តាញ 4G LTE នៅក្នុងឆ្នាំ ២០១៥ របស់យើង ធ្វើឱ្យកាន់មានសេវាកាន់តែមានលឿនលឿនថែមទៀត សម្រាប់ហេដ្ឋារចនាសម្ព័ន្ធឌីជីថលទំនើមនៅកម្ពុជា។

ការនាំមុខក្នុងយុគសម័យឌីជីថល

នៅឆ្នាំ២០២៣ ក្រុមហ៊ុន សែលកាត បានសម្រេចបាននូវសមិទ្ធិផលសំខាន់ៗ ដែលក្នុងនោះក្រុមហ៊ុនត្រូវបានទទួលស្គាល់ថាជា ក្រុមហ៊ុនចុះបញ្ជីក្នុងចំណាត់ថ្នាក់ “ Class A” នៅក្នុងផ្សារមូលបត្រកម្ពុជា (CSX) និងជាក្រុមហ៊ុនដំបូងគេដែលទទួលបានសញ្ញាបណ្ណនិរន្តរភាពចំនួន ២០លានដុល្លារអាមេរិក។ ប្រាក់ដែលទទួលបានពីសញ្ញាបណ្ណនិរន្តរភាពនេះ ត្រូវយកទៅបណ្តាក់ទុនបន្ថែមក្នុងការពង្រីកបណ្តាញហេដ្ឋារចនាសម្ព័ន្ធ និងធ្វើទំនើបកម្ម លើស្ថានីអង់តែន ដោយមិនមានផលប៉ះពាល់ដល់បរិស្ថាន ដើម្បីឱ្យមានសេវាគ្របដណ្តប់ជូនដល់សហគមន៍គ្រប់គ្រប់ៗគ្នា។

ក្រុមហ៊ុន សែលកាត នៅតែខិតខំប្រឹងប្រែងបន្តផ្តល់សេវាលឿនទាន់ចិត្ត ពង្រីកបណ្តាញហេដ្ឋារចនាសម្ព័ន្ធ និងធ្វើទំនើបកម្ម លើស្ថានីអង់តែន ក្នុងយុគសម័យឌីជីថលនេះ។