ចក្ខុវិស័យរបស់ក្រុមហ៊ុនសែលកាតលើបណ្ដាញសេវា 5G ​ទទួលបានការចាប់អារម្មណ៍យ៉ាងខ្លាំងពីគណៈប្រតិភូចិន | សែលកាត

ចក្ខុវិស័យរបស់ក្រុមហ៊ុនសែលកាតលើបណ្ដាញសេវា 5G ​ទទួលបានការចាប់អារម្មណ៍យ៉ាងខ្លាំងពីគណៈប្រតិភូចិន

ថ្ងៃចេញផ្សាយ: កញ្ញា, ថ្ងៃ​ព្រហស្បតិ៍ 13, 2018

ការធ្វើបទបង្ហាញរបស់ក្រុមហ៊ុនសែលកាតកាលពីម្សិលមិញ លើចក្ខុវិស័យនៃបណ្ដាញសេវា 5G នៅប្រទេសកម្ពុជា បានទទួលការអបអរសាទរយ៉ាងច្រើន នៅលើវេទិកាអំពីប្រព័ន្ធឌីជីថល Silk Road និង កិច្ចសហប្រតិបត្តិការក្នុងវិស័យឧស្សាហកម្ម (Digital Silk Road and Industrial Cooperation Forum) នៅទីក្រុង Nanning ប្រទេសចិន។

នៅក្នុងកម្មវិធីនេះ មានគណៈប្រតិភូក្នុងជួររដ្ឋាភិបាល និងអ្នកជំនួញជាង ៥០០នាក់បានចូលរួម ហើយវេទិកានេះបានផ្សព្វផ្សាយយ៉ាងទូលំទូលាយជាងមុនទៅកាន់ទីក្រុង៣ផ្សេងទៀត ក្នុងរយៈពេលមួយសប្តាហ៍ និងមានអ្នកចូលរួមជាង ២,០០០នាក់។

វេទិកានេះត្រូវបានរៀបចំឡើងដោយ China-ASEAN Information Harbour ដែលផ្តោតលើការបង្កើតទំនាក់ទំនងរវាងប្រទេសចិន និង ប្រទេសមកពីសមាគមន៍​ប្រជាជាតិ​អាស៊ីអាគ្នេយ៍។

ការធ្វើបទបង្ហាញរបស់ សែលកាត ថ្ងៃនេះ បានបង្ហាញពីបទពិសោធន៍ប្រើប្រាស់បណ្ដាញសេវា 5G ដែលអាចអនុវត្តន៍នៅប្រទេសកម្ពុជា ហើយអ្វីដែលសំខាន់នោះគឺដើម្បីពង្រឹងគុណភាពជីវិត និង សេដ្ឋកិច្ចជាតិ។

លោក អៀន វ៉ាត់សុន (Ian Watson) នាយកប្រតិបត្តិក្រុមហ៊ុន សែលកាត បាននិយាយថា​ ​លោកពិតជាសប្បាយរីករាយយ៉ាងខ្លាំងនឹងភាពជោគជ័យនៃការធ្វើបទបង្ហាញនេះ។

លោកបន្ថែមថា៖ «ចាប់តាំងពីយើងដាក់ដំណើរការបណ្ដាញសេវាលំដាប់ពិភពលោក 4G LTE មក ក្រុមហ៊ុន​សែលកាតបានទាក់ទាញការចាប់អារម្មណ៍យ៉ាងខ្លាំងពីទូទាំងតំបន់។»

«ពួកយើងជឿជាក់ថា ការទទួលស្គាល់ពីភាពវិជ្ជមានមកលើក្រុមហ៊ុន សែលកាត គឺជាការទទួលស្គាល់មកលើប្រទេសកម្ពុជាផង​ដែរ។​ ​ពួក​យើងកំពុងខិតខំប្រឹងប្រែងវិវឌ្ឍន៍ទៅរកបណ្ដាញសេវា5G ហើយធានាគុណភាពនៃការប្រើប្រាស់នាពេលអនាគតក្នុងការជួយពង្រឹងគុណភាពជីវិត និង សេដ្ឋកិច្ចជាតិទាំងមូលនៅកម្ពុជា។»

លើសពីនេះទៀត លោក វ៉ាត់សុន បានថ្លែងអំណរគុណដល់​ អ្នកឧកញ៉ា គិត ម៉េង ដែលជាប្រធានក្រុមហ៊ុនក្នុងការជួយជ្រុមជ្រែង និង ដឹកនាំក្រុមហ៊ុនរ៉ូយាល់គ្រុប (Royal Group) លើវិស័យឌីជីថលនៅប្រទេសកម្ពុជា។

គួរបញ្ជាក់ផងដែរថា លោក​ វ៉ាត់សុន នឹងធ្វើជាវាគ្មិនកិតិ្តយសក្នុងខែនេះ នៅឯសន្និសីទ 5G Asia ក្នុងប្រទេសសិង្ហបុរី។

អ្នកក៏អាចអានផងដែរ

មិនា, ថ្ងៃ​សៅរ៍ 23, 2024

ទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍លើកទី២ ថ្ងៃទី២៤-២៦ មីនា ២០...

មិនា, ថ្ងៃ​សុក្រ 15, 2024

ក្រុមហ៊ុន ខេម ជ្ជីអេសអេម ម.ក ហៅកាត់ថា សែលកាត ជាក្រុមហ៊ុនប្រតិបត្តិករទូរស័ព្ទ...

មិនា, ថ្ងៃ​អង្គារ 12, 2024

កាលពីថ្ងៃទី១១ ខែមីនា ឆ្នាំ២០២៤ ព្រះរាជាណាចក្រកម្ពុជាបានបោះជំហានលើក​ដំបូង ​លើ...

កុម្ភៈ, ថ្ងៃ​សៅរ៍ 17, 2024

ក្រុមហ៊ុន ខេម ជ្ជីអេសអេម ម.ក ហៅថា “ សែលកាត ” ជាប្រតិបត្តិករទូរស័ព្ទចល័តឈានមុ...

សមិទ្ធិផលពានរង្វាន់បណ្តាញសេវារបស់សែលកាត

star មុខងារថ្មី!

មានអ្វីចង់សួរមែនទេ? កាន់តែងាយស្រួល! ឥឡូវនេះលោកអ្នកអាចឆែកមើលសំណួរចម្លើយដែលបានសួរជាញឹកញាប់ថ្មីៗនៅទីនេះ!