ក្រុមហ៊ុនសែលកាតនៅតែបន្តកាន់កាប់ដំណែង “បណ្តាញទូរស័ព្ទចល័តលឿនជាងគេបំផុតនៅក្នុងប្រទេសកម្ពុជា” | សែលកាត

ក្រុមហ៊ុនសែលកាតនៅតែបន្តកាន់កាប់ដំណែង “បណ្តាញទូរស័ព្ទចល័តលឿនជាងគេបំផុតនៅក្នុងប្រទេសកម្ពុជា”

ថ្ងៃចេញផ្សាយ: មិនា, ថ្ងៃ​សុក្រ 06, 2020

ក្នុងថ្ងៃនេះ ក្រុមហ៊ុនសែលកាតបានប្រារព្ធពិធីអបអរសាទរជាថ្មីម្តងទៀត នូវការទទួលពានរង្វាន់ Speedtest Award™ ជាលើកទី ៦ ប្រគល់ជូនដោយ Ookla®។ នេះបើយោងតាមការប្រកាសឱ្យដឹងនៅក្នុងសន្និសីទសារព័ត៌មានជាផ្លូវការ ដែលប្រារព្ធឡើងនៅសណ្ឋាគារឡឺរ៉ូយ៉ាល់ក្នុងថ្ងៃនេះ។

ក្រុមហ៊ុនសែលកាតត្រូវបានបញ្ជាក់ទទួលស្គាល់ជាជ័យលាភីពានរង្វាន់ Cambodia’s Speedtest Award Winner សម្រាប់ផ្នែកល្បឿនបណ្តាញទូរស័ព្ទចល័ត ដោយយោងតាមការធ្វើតេស្ត និងតាមដានត្រួតពិនិត្យរបស់ស្ថាបន័ Ookla ដោយប្រើប្រាស់ Speedtest®នៅចន្លោះខែកក្កដា ដល់ខែធ្នូ ក្នុងឆ្នាំ ២០១៩ ។
ក្រុមហ៊ុនសែលកាតនៅតែអាចបន្តកាន់កាប់ពានរង្វាន់នេះរហូតមកទល់ពេលបច្ចុប្បន្ន ដោយពានរង្វាន់លើកទី ១ បានទទួលនៅក្នុងខែមេសាក្នុងឆ្នាំ ២០១៧ ពោលគឺបន្ទាប់ពីប្រព័ន្ធ 4G ត្រូវបានដាក់ពង្រាយយ៉ាងទូលំទូលាយជូនអតិថិជនប្រើប្រាស់។

Ookla គឺជាក្រុមហ៊ុនឈានមុខគេលើសកលលោក ជាមួយឯកទេសនៃការធ្វើតេស្តទៅលើកម្មវិធី ទិន្នន័យ និងការវិភាគ លើបណ្តាញទូរស័ព្ទចល័ត និងបណ្តាញអ៊ីនធើណិតថេរ។ Ookla នឹងផ្តល់ពានរង្វាន់ជូនដល់បណ្តាប្រតិបត្តិករទាំងឡាយណា ដែលបម្រើជូននូវបណ្តាញទូរស័ព្ទចល័តលឿនជាងគេបំផុតប្រចាំប្រទេសរបស់ខ្លួន។

របាយការណ៍ផ្លូវការបានបង្ហាញថា ក្រុមហ៊ុនសែលកាតទទួលបានពិន្ទុល្បឿន ១៤.៩២ ជាមួយនឹងល្បឿនដោនឡូដជាមធ្យម ១៦,៣១ មេកាបៃក្នុង១វិនាទី (Mbps) និងល្បឿនផ្ទុកទិន្នន័យជាមធ្យម ១៤,៣២ មេកាបៃក្នុង១វិនាទី (Mbps)។

ក្រុមហ៊ុនសែលកាតបានឈរនៅលំដាប់កំពូលគេក្នុងតារាងពិន្ទុ ក្នុងរយៈពេលបីឆ្នាំជាប់គ្នា ដោយគម្លាតពិន្ទុបានឈ្នះដាច់ប្រតិបត្តិករផ្សេងៗយ៉ាងឆ្ងាយតែម្តង។

យោងតាមរបាយការណ៍ផ្តល់ជូនដោយ Ookla បានបង្ហាញថា បណ្តាញទូរស័ព្ទចល័តរបស់ក្រុមហ៊ុនសែលកាត មានល្បឿនលឿនដាច់គេនៅតាមទីក្រុងធំៗមួយចំនួន ដោយក្នុងនោះរួមមានរាជធានីភ្នំពេញ ក្រុងប៉ោយប៉ែត និងក្រុងស្រីស៊ីសុផុន ជាដើម។

លោក អៀន វ៉ាត់សុន (Ian Watson) នាយកប្រតិបត្តិក្រុមហ៊ុនសែលកាត បានឱ្យដឹងថា ពានរង្វាន់នេះគឺជាសក្ខីភាពបញ្ជាក់ឱ្យកាន់តែច្បាស់នូវការប្តេជ្ញាចិត្តរបស់ក្រុមហ៊ុនសែលកាត ក្នុងការផ្តល់នូវល្បឿនអ៊ីនធើណិតដ៏លឿនបំផុតជូនដល់អតិថិជនទាំងអស់ដែលកំពុងមានតម្រូវការប្រើប្រាស់ខ្លាំង។

“តម្រូវការទិន្នន័យតាមទូរស័ព្ទកំពុងកើនឡើងយ៉ាងគំហុក នៅក្នុងប្រទេសកម្ពុជា ហើយកាលពីឆ្នាំកន្លងទៅនេះ កំណើននៃការប្រើប្រាស់ទិន្នន័យរបស់អតិថិជនក្រុមហ៊ុនសែលកាត បានកើនឡើងរហូតដល់ទៅ ១០០០% ឯណោះ។

លទ្ធភាពក្នុងការឈ្នះពានរង្វាន់ជាថ្មីម្តងទៀត គឺជាសមិទ្ធិផលដ៏អស្ចារ្យបំផុតមួយសម្រាប់សែលកាត។ ហើយទន្ទឹមនឹងនោះផងដែរ ក្រុមហ៊ុននឹងនៅតែបន្តខិតខំបម្រើជូនអតិថិជននូវសេវាកម្មប្រកបដោយគុណភាពល្អបំផុត ដើម្បីឈានទៅទាក់ទាញអតិថិជនឱ្យកាន់តែច្រើនឡើងមកប្រើប្រាស់បណ្តាញទូរស័ព្ទចល័តដ៏លឿនជាងគេបំផុតមួយនេះ៕

អ្នកក៏អាចអានផងដែរ

ឧសភា, ថ្ងៃ​ពុធ 27, 2020

ក្រុមហ៊ុន សែលកាត មានក្តីសោមនស្សជាខ្លាំងក្នុងការរៀបចំនូវព្រឹត្តិការណ៍ប្រគុំតន្...

ឧសភា, ថ្ងៃ​ព្រហស្បតិ៍ 07, 2020

ដើម្បីឱ្យអតិថិជនកាន់តែសប្បាយរីករាយថែមទៀត ក្រុមហ៊ុនសែលកាតបានធ្វើការផ្តល់ជូននូវ...

មេសា, ថ្ងៃ​សុក្រ 10, 2020

នាពេលថ្មីៗនេះ ក្រុមហ៊ុនសែលកាត បានពន្លឿនផែនការរបស់ខ្លួន ក្នុងការផ្តល់ជូនដល់សហគ...

មេសា, ថ្ងៃ​ពុធ 08, 2020

Orange Esports PUBG Mobile ដែលជាក្រុមកីឡាអេឡិចត្រូនិចដ៏លេចធ្លោជាងគេបំផុតមួយនៅ...

សែលកាតឈ្នះពានរង្វាន់បណ្ដាញសេវាអ៊ីនធើណិតលឿនជាងគេបំផុតនៅកម្ពុជា !