សែលកាត កាត់បន្ថយសំរាមផ្លាស្ទិច ដើម្បីចូលរួមគាំទ្រ ទិវាមួយម៉ោងសម្រាប់ភពផែនដី | សែលកាត

សែលកាត កាត់បន្ថយសំរាមផ្លាស្ទិច ដើម្បីចូលរួមគាំទ្រ ទិវាមួយម៉ោងសម្រាប់ភពផែនដី

ថ្ងៃចេញផ្សាយ: មិនា, ថ្ងៃ​ពុធ 21, 2018

ដើម្បីចូលរួមគាំទ្រទិវាមួយម៉ោងសម្រាប់ភពផែនដីនៅឆ្នាំនេះ ក្រុមហ៊ុនសែលកាត បានកាត់បន្ថយការប្រើប្រាស់ទឹកសុទ្ធ នៅការិយាល័យកណ្តាលរបស់ខ្ឡួន និងជុំរុញឲ្យបុគ្គលិក ទាំងអស់ប្រើប្រាស់ ទឹកចម្រោះដោយប្រើដបដាក់ទឹក រៀងៗខ្លួន។

ជាមធ្យម ក្រុមហ៊ុនសែលកាតបានប្រើទឹកសុទ្ធអស់ 6480 កេស រៀងរាល់ខែ ដែលច្រើនជាង​ 77760 ដបក្នុងមួយឆ្នាំ។

នាយកប្រតិបត្តិក្រុមហ៊ុនសែលកាត លោក Ian Watson បានលើកឡើងថា ការចូលរួមកាត់បន្ថយ សំរាមផ្លាស្ទិច គឺជាវិធីដ៏ល្អមួយ ដើម្បីជួយការពារបរិស្ថាននៅក្នុងទីក្រុងភ្នំពេញ​ និងប្រទេសកម្ពុជា។

លោកបានបន្តទៀតថា ភ្នាក់ងារបរិស្ថានខ្លះ បានធ្វើការប៉ាន់ប្រមាណថា ប្រជាជននៅទីក្រុងភ្នំពេញ​ជាមធ្យម ប្រើថង់ប្លាស្ទិចអស់ច្រើនជាង 2000 ថង់ ក្នុងមួយឆ្នាំ ដែលចំនួននេះគឺច្រើនជាងការប្រើប្រាស់នៅប្រទេសចិន និងទ្វីបអឺរ៉ុប រហូតទៅដល់ 10 ដង។

“ទិវាមួយម៉ោងសម្រាប់ភពផែនដី គឺជាកម្មវិធីដ៏អស្ចារ្យមួយ ដែលធ្វើឲ្យប្រជាជន

យើងនិងក្រុមហ៊ុននានា មានស្មារតីភ្ញាក់រលឹក គិតពីផលប៉ះពាល់ របស់ពួកគេចំពោះ បរិស្ថានជុំវិញខ្លួន  និង ពិភពលោក។​”

“ សម្រាប់សែលកាត​ ការផ្លាស់ប្តូរឥរិយាបទក្នុងការប្រើប្រាស់ទឹកសុទ្ធ ជារៀងរាល់ថ្ងៃ គឺជាជំហានមួយដ៏ត្រឹមត្រូវ ដើម្បីគាំទ្រសកម្មភាពទាំងនេះ។​ យើងក៏បានជុំរុញបុគ្គលិករបស់យើង ឲ្យព្យាយាមកាត់បន្ថយ ការប្រើប្រាស់ថង់ផ្លាស្ទិចនៅពេលពួកគេ ទៅទិញឥវ៉ាន់ និងប្រើប្រាស់របស់របរផ្លាស្ទិចផ្សេងៗឡើងវិញតាមលទ្ធភាពដែលអាចទៅរួច។”

លោក Ian Watson បានបន្ថែមទៀតថា សែលកាតនឹងដឹកជញ្ចូនដបទឹកផ្លាស្ទិច ដែលបានប្រើប្រាស់របស់ក្រុមហ៊ុន ក្នុងរយះពេលប៉ុន្មានសប្តាហ៍នេះទៅឲ្យ សាលាដូង ដែលមានទីតាំង​ នៅលើឧទ្យានជាតិគីរីរម្យ ដែលជាកន្លែងអប់រំ និងកែច្នៃសម្ភារះ និងសំរាមផ្លាស្ទិចនានា​   ទៅជាការតុបតែងដ៏គួរឲ្យចាប់អារម្មណ៍។ឡានរបស់ក្រុមហ៊ុនយើង នឹងធ្វើការដឹកជញ្ចូនដបទឹកសុទ្ធទាំងនោះដល់កន្លែងតែម្តង។​

លោក បានលើកឡើងបន្តទៀតថា សិស្សនៅទីនោះបានយកដបទឹក ទៅតុបតែងប្រកបដោយភាពច្នៃប្រឌិត ហើយសកម្មភាពរបស់យើងនេះអាចជួយ ផ្សព្វផ្សាយពីការកាត់បន្ថយសំរាម ។

សែលកាតចូលរួម ទិវាមួយម៉ោងសម្រាប់ភពផែនដី ដែលជាយុទ្ធនាការបរិស្ថានដ៏ធំនៅក្នុង ពិភពលោក។ វាជាកម្មវិធីដែលរៀបចំឡើងរៀងរាល់ឆ្នាំ ដែលអ្នកចូលរួមនៅជុំវិញពិភពលោក ចូលរួមបិទភ្លើងរយះពេលមួយម៉ោង។ ឆ្នាំនេះ ទិវាមួយម៉ោងសម្រាប់ភពផែនដី នឹងធ្វើឡើងនៅមុខក្រសួងបរិស្ថាន នៅថ្ងៃ 24 មីនា ដែលរៀបចំដោយ​ WWF និងឧបត្ថម្ភធំដោយ​ ក្រុមហ៊ុនសែលកាត។

ឯកអគ្គរដ្ឋទូតសុឆន្ទះរបស់សែលកាត ក៏បានចូលរួមគាំទ្រកម្មវិធីនេះ តាមរយះការបង្កើតវីឌីអូជាមួយសារខ្លីៗ ដើម្បីផ្សព្វផ្សាយពីការអប់រំ និងជុំរុញប្រជាជនយើងឲ្យថែរក្សាបរិស្ថានទាំងអស់គ្នា។

ដើម្បីតាមដានយុទ្ធនាការរបស់សែលកាតក្នុងការគាំទ្រទិវាមួយម៉ោងសម្រាប់ភពផែនដី សូមចូលទៅកាន់ www.cellcard.com.kh/EarthHour ឬសែលកាត​ Facebook Page។

អ្នកក៏អាចអានផងដែរ

មិនា, ថ្ងៃ​សៅរ៍ 23, 2024

ទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍លើកទី២ ថ្ងៃទី២៤-២៦ មីនា ២០...

មិនា, ថ្ងៃ​សុក្រ 15, 2024

ក្រុមហ៊ុន ខេម ជ្ជីអេសអេម ម.ក ហៅកាត់ថា សែលកាត ជាក្រុមហ៊ុនប្រតិបត្តិករទូរស័ព្ទ...

មិនា, ថ្ងៃ​អង្គារ 12, 2024

កាលពីថ្ងៃទី១១ ខែមីនា ឆ្នាំ២០២៤ ព្រះរាជាណាចក្រកម្ពុជាបានបោះជំហានលើក​ដំបូង ​លើ...

កុម្ភៈ, ថ្ងៃ​សៅរ៍ 17, 2024

ក្រុមហ៊ុន ខេម ជ្ជីអេសអេម ម.ក ហៅថា “ សែលកាត ” ជាប្រតិបត្តិករទូរស័ព្ទចល័តឈានមុ...

សមិទ្ធិផលពានរង្វាន់បណ្តាញសេវារបស់សែលកាត

star មុខងារថ្មី!

មានអ្វីចង់សួរមែនទេ? កាន់តែងាយស្រួល! ឥឡូវនេះលោកអ្នកអាចឆែកមើលសំណួរចម្លើយដែលបានសួរជាញឹកញាប់ថ្មីៗនៅទីនេះ!