អតិថិជនជាច្រើនសប្បាយរីករាយដោយបានឈ្នះរង្វាន់ពីសែលកាត

ក្រុមហ៊ុនសែលកាតនៅថ្ងៃនេះ មានប្រគល់រង្វាន់ដល់អតិថិជនជាច្រើន ដែលបានឈ្នះរង្វាន់ ពីកម្មវិធីពិសេសៗ ពីសែលកាតកាលពីប៉ុន្មានសប្តាហ៍មុន។

អ្នកឈ្នះភាគច្រើន គឺរស់នៅតាមបណ្តាខេត្តនានា ដែល នេះបានឆ្លុះបញ្ជាំងពីការខិតខំប្រឹងប្រែង ពង្រីកបណ្តាញសេវារបស់សែលកាត​នៅតាមបណ្តាខេត្ត និងនៅជនបទ។​

ពួកគាត់ គឺជាអ្នកឈ្នះពីកម្មវិធី ស្ទូចយករង្វាន់​ Iknow Iknow និង កម្មវិធី Calltunes។​ អ្នកឈ្នះ​​​ 14 អ្នក បានឈ្នះរង្វាន់រួមមាន ៖

• ម៉ូតូ​ YAMAHA FINO 2018 ចំនួន​ 8 គ្រឿង
• ម៉ូតូ​ YAMAHA QBIX 2018 ចំនួន​ 5 គ្រឿង
• និង ម៉ូតូ​ Honda Scoopy I 2018 2018 ចំនួន​ 1 គ្រឿង

នាយកប្រតិបត្តិក្រុមហ៊ុនសែលកាត លោក អៀន វ៉ាតសុន បានលើកឡើងថា យើងបង្តើតកម្មវិធី ពិសេសៗទាំងអស់នេះ គឺដើម្បីទាក់ទាញអតិថិជនថ្មី និងផ្តល់រង្វាន់ដល់អតិថិជនដែលបានគាំទ្រនិង ចូលរួម​កម្មវិធីរបស់យើង ។

កម្មវិធីប្រគល់រង្វាន់នេះ ធ្វើឡើងនៅម៉ោង 4 រសៀល​​ថ្ងៃ​ 10 ឧសភា នៅបរិវេណខាងក្រៅ ការិយាល័យកណ្តាលសែលកាត។​ ក្រៅពីការប្រគល់រង្វាន់ យើងមានកម្មវិធីលក់ទូរស័ព្ទ ដែលអតិថិជនក៏អាចមកយកស៊ីមឥតគិតថ្លៃ និងទិញទូរស័ព្ទជាមួយការបញ្ចុះតម្លៃពិសេស ព្រមទាំងថែមទទួលបានកាដូជាច្រើនទៀតផង។ ម៉ូដែលទូរស័ព្ទដែលបញ្ចុះតម្លៃមានដូចជា Nokia LG Zopo iTel Oukitel InFocus​ និង Philips។

ដើម្បីស្វែងយល់ពីព័ត៌មានបន្ថែមពីកម្មវិធីពិសេសរបស់សែលកាត សូមចូលទៅកាន់ http://www.cellcard.com.kh/en/promotions  ឬសែលកាត Facebook Page។