ក្រុមហ៊ុន សែលកាត (Cellcard) រៀបចំកម្មវិធីផ្តល់រង្វាន់ដល់អតិថិជនរបស់ខ្លួនដែលមានទាំងសាច់ប្រាក់និងរង្វាន់ផ្សេងៗជាច្រើនទៀតសរុបជាង ២០ ម៉ឺនដុល្លារ។
ក្នុងឆ្នាំនេះ កម្មវិធីនេះបានប្រារព្ធឡើងជាលើកទី១០ សម្រាប់ផ្តល់ជូនដល់អតិថិជនដែលមានសំណាងឈ្នះរង្វាន់ជាច្រើនក្នុងកំឡុងខែសីហាកន្លងមកនេះ។
ការប្រគល់រង្វាន់ចាប់ផ្តើមពីម៉ោង ៤ល្ងាច នៅសាខាក្រុមហ៊ុនម៉ូតូយ៉ាម៉ាហា ជិតសាលាបាក់ទូក ដែលមានសាធារណៈជន និងបណ្តាអ្នកសារពត៌មានចូលរួមយ៉ាងច្រើនកុះករ។
អតិថិជនដែលមានសំណាងទាំងនេះ បានឈ្នះរង្វាន់ពីកម្មវិធីដូចជា កម្មវិធី iKnow iKnow កម្មវិធី ស្ទូចយកម៉ូតូរដូវកាលទី៧ និង កម្មវិធីឈ្នះ១ម៉ឺនដុល្លាររៀងរាល់ថ្ងៃ។
អតិថិជនដែលឈ្នះរង្វាន់សរុបមាន ១៦រូប ដែលរួមទាំងអ្នកមានសំណាងឈ្នះរង្វាន់ធំ ១០ម៉ឺនដុល្លារ និង ៩ម៉ឺនដុល្លារ ពីកម្មវិធីឈ្នះ១ម៉ឺនដុល្លាររៀងរាល់ថ្ងៃ នៅក្នុងខែសីហាកន្លងមក។
រង្វាន់សម្រាប់អ្នកដែលបានឈ្នះរង្វាន់ទាំង ១៦រូប រួមមាន៖
- ម៉ូតូ Yamaha QBIX 2019 អ្នកឈ្នះរង្វាន់ចំនួន ៨ រង្វាន់ (កម្មវិធី ស្ទូចយកម៉ូតូ រដូវកាលទី៧)
- ម៉ូតូ Yamaha QBIX 2019 អ្នកឈ្នះរង្វាន់ចំនួន ៥ រង្វាន់ (កម្មវិធី iKnow iKnow)
- ទូរស័ព្ទ iPhone XS Max អ្នកឈ្នះរង្វាន់ចំនួន ១ រង្វាន់ (កម្មវិធី iKnow iKnow)
- ទឹកប្រាក់សុទ្ធ ១៩ម៉ឺនដុល្លារ អ្នកឈ្នះចំនួន ២ រង្វាន់ (កម្មវិធីឈ្នះ១ម៉ឺនដុល្លាររៀងរាល់ថ្ងៃ)
ការផ្តល់ជូនពិសេសពីក្រុមហ៊ុន សែលកាត (Cellcard) នឹងបន្តផ្តល់ជូនអតិថិជនរបស់ខ្លួននូវការភ្ញាក់ផ្អើល និងសប្បាយរីករាយ ជាមួយនឹងការផ្តល់ឱកាសដល់អតិថិជនក្នុងការឈ្នះរង្វាន់ដ៏អស្ចារ្យជារៀងរាល់ថ្ងៃ។
សម្រាប់ព័ត៌មានបន្ថែមលើការផ្តល់ជូនពិសេសរបស់ក្រុមហ៊ុន សែលកាត (Cellcard) រង្វាន់ និងរបៀបក្នុងការចូលរួមលេងដើម្បីឈ្នះរង្វាន់ សូមចូលទៅកាន់៖ www.cellcard.com.kh និងតាមដាន Facebook និងInstagram របស់ក្រុមហ៊ុន សែលកាត (Cellcard)