សែលកាតដាក់ដំណើរការការធានាលើបណ្ដាញសេវាដំបូងគេនៅកម្ពុជា | សែលកាត

សែលកាតដាក់ដំណើរការការធានាលើបណ្ដាញសេវាដំបូងគេនៅកម្ពុជា

ថ្ងៃចេញផ្សាយ: សីហា, ថ្ងៃ​សុក្រ 03, 2018

ភ្នំពេញ ថ្ងៃទី០១សីហា២០១៨សែលកាតដែលជាក្រុមហ៊ុនទូរគមនាគមន៍ក្នុងស្រុកតែមួយគត់បានធ្វើការ​ប្រកាសជាផ្លូវការណ៍មួយទៀតអំពី ​ការផ្ដល់់ជូនការធានាលើបណ្ដាញសេវារបស់់ខ្លួន​​​ (Cellcard Network Guarantee) ក្នុងពេលធ្វើសិន្និសីទសារព័ត៌មានបង្ហាញពីការទទួលបាននូវពានរង្វាន់Speedtestពីស្ថាប័នOokla សម្រាប់ត្រីមាសទី១និងទី២ ក្នុងឆ្នាំ២០១៨នេះ។

ការធានាលើបណ្តាញសេវានេះ ជាការផ្ដល់ជូនដំបូងគេតែមួយគត់នៅកម្ពុជា​ ដែលនឹងផ្តល់សំណងដល់អតិថិជនដោយស្វ័យប្រវត្តិនៅពេលដែលអតិថិជនជួបប្រទះសេវាកម្មរអាក់រអួល រាល់ពេលធ្វើការហៅចេញក្នុងប្រព័ន្ធ។

ការធានាលើបណ្តាញសេវានេះ​​ឆ្លុះបញ្ចាំងពីការប្តេជ្ញាចិត្តរបស់ខ្លួនលើវិស័យទូរគមនាគមន៍ ដើម្បីផ្តល់ជូននូវគុណភាពបណ្តាញសេវាទូរស័ព្ទល្អផ្តាច់គេក្នុងការភ្ជាប់ទំនាក់ទំនងជូនប្រជាជនកម្ពុជាទាំងអស់។

លោក Ian Watsonនាយកប្រតិបត្តិក្រុមហ៊ុនសែលកាត មានប្រសាសន៍ថា៖ «ក្នុងនាមជាបណ្តាញសេវាទូរស័ព្ទលឿនជាងគេនៅកម្ពុជា មិន​ត្រឹមតែ​មាន​ន័យ​ថា​យើង​គ្រាន់​តែ​ផ្ដល់​ជូន​សេវា​អ៊ីនធើណិត​លឿន​ប៉ុណ្ណោះ​ទេ​ប៉ុន្តែយើងផ្ដល់ជូននូវបណ្តាញសេវាជាទីទុកចិត្តសម្រាប់ការតភ្ជាប់ទំនាក់ទំនង ទាំងសេវាអ៊ីនធើណិត ការ​ហៅ​ទូរស័ព្ទ​​ឬក៏សារជាអក្សរ។ យើង​ពិត​ជា​មាន​មោទនភាព​ណាស់​​ក្នុងការទទួលបានពានរង្វាន់ និងការទទួលស្គាល់ជាបណ្តាញទូរស័ព្ទលឿនជាងគេនៅកម្ពុជាក្នុងរយៈពេល ២ ឆ្នាំ​ជាប់​គ្នា​នេះ​​ប៉ុន្តែយើងចង់ប្រាកដថា អតិថិជនយើងមានភាពជឿជាក់ នៅ​ពេល​ដែល​យើង​និយាយ​ថា​យើង​នឹង​ផ្តល់​ឱ្យ​ពួកគេ​នូវ​បណ្តាញសេវាទូរស័ព្ទលឿន និងជាទី​ទុក​ចិត្ត​ជូនប្រជា​ជន​ខ្មែរទាំងអស់»។

ការធានាលើបណ្តាញសេវានេះ(Cellcard Network Guarantee) នឹងចាប់ផ្តើមពីថ្ងៃទី១ខែសីហានេះ ដោយផ្តល់ជូននាទីហៅ​ចេញ​ឥតគិតថ្លៃដល់អតិថិជនដែលជួបប្រទះ​សេវារអាក់រអួល ដូច​ជា​ការ​ដាច់​សេវាពេលហៅទូរស័ព្ទ។ អតិថិជនអាចរាយការណ៍ពីបញ្ហាដែលពួកគេបានជួបប្រទះ ដោយគ្រាន់តែទូរស័ព្ទទៅលេខ​ ៦០១០បន្ទាប់មកពួកគេនឹង​​​ទទួលបានការបន្ថែមនាទីទៅក្នុងគណនី រួមជាមួយនឹងសារជូនដំណឹងSMSបន្ទាប់ពីរបាយការណ៍របស់ពួកគេបានផ្ទៀងផ្ទាត់រួច។

ក្រៅពីបង្ហាញពីភាពជឿទុកចិត្តលើបណ្តាញសេវារបស់ក្រុមហ៊ុនសែលកាត លោក Ian Watson បន្តថា ការធានាលើបណ្តាញនេះ ក៏ជួយពង្រឹងតម្លាភាព និង​លើក​ទឹក​ចិត្ត​ឱ្យ​មាន​ការ​សន្ទនា​គ្នា​ពី​តម្រូវ​ការ​រវាង​អ្នក​​ប្រតិបត្តិការ និងអតិថិជនទៅលើសេវាកម្ម និងបណ្តាញសេវារបស់ខ្លួនដែរ។

លោក បានបន្ថែមថា៖​ «ការទទួលយកមតិពីអតិថិជនរបស់យើង ពិតជាមានសារៈសំខាន់ណាស់សម្រាប់យើង ដើម្បីបន្តកសាង និងពង្រឹងបណ្តាញទូរស័ព្ទរបស់យើង ក្នុងការត្រៀមខ្លួននាំយកបច្ចេកវិទ្យា5Gក្នុងពេលឆាប់ៗខាង​​មុខនេះ»

សម្រាប់ព័ត៌មានបន្ថែម អំពីការធានាលើបណ្ដាញសេវារបស់សែលកាត សូមចូលទៅកាន់ ការធានាលើបណ្តាញសេវា ឬ​ក៏​អាច​ចូល​ទៅ​ ទំព័រ​ហ្វេសប៊ុក​របស់សែលកាត

អ្នកក៏អាចអានផងដែរ

មិនា, ថ្ងៃ​ច័ន្ទ 30, 2020

  ក្នុងថ្ងៃនេះ ក្រុមហ៊ុនសែលកាត ដែលជាបុត្រសម្ព័ន្ធរបស់ក្រុមហ៊ុនរ៉ូយ៉ាល់គ្...

មិនា, ថ្ងៃ​សុក្រ 27, 2020

សែលកាតបានប្រកាសថា ក្រុមហ៊ុននឹងផ្តល់ជូននូវការហៅទូរស័ព្ទចេញនិងផ្ញើសារដោយឥតគិតថ្...

មិនា, ថ្ងៃ​សុក្រ 27, 2020

ថ្ងៃនេះក្រុមហ៊ុនសែលកាត បានប្រកាសដាក់អោយប្រើប្រាស់បច្ចេកវិទ្យា 5G ជាលើកដំបូងនក...

មិនា, ថ្ងៃ​ច័ន្ទ 23, 2020

ថ្ងៃនេះក្រុមហ៊ុនសែលកាត បានប្រកាសពីវិធានការណ៍ថ្មីៗជាច្រើនពីការផ្តល់ជូន និងសេវា...

សែលកាតឈ្នះពានរង្វាន់បណ្ដាញសេវាអ៊ីនធើណិតលឿនជាងគេបំផុតនៅកម្ពុជា !