សិក្សាភាសាអង់គ្លេសដោយរីករាយ | សែលកាត

សិក្សាភាសាអង់គ្លេសដោយរីករាយ

ថ្ងៃចេញផ្សាយ: កក្កដា, ថ្ងៃ​ពុធ 06, 2016

កម្មវិធីសិក្សាភាសាអង់គ្លេសគឺរៀបចំដោយសហព័ន្ធយុវជន និងសែលកាត ដែលធានាផ្ដល់ជូននូវសកម្មភាពដ៏ច្រើនដែលគួរអោយចាប់អារម្មណ៍

ភ្នំពេញ ថ្ងៃទី10 ខែឧសភា៖ សហព័ន្ធយុវជនអន្តរជាតិ (IYF) កម្ពុជា និង សែលកាត ផ្ដល់ឱកាសដល់យុវជនខ្មែរដើម្បីលើកកម្ពស់សមត្ថភាពជំនាញភាសាអង់គ្លេសរបស់ពួកគេ ប៉ុន្តែមិនមែនតាមវិធីសាស្រ្តធម្មតាៗ ដួចដែល យើងកំពុងរៀននៅតាមសាលានោះទេ គឺវាមានលក្ខណៈបែបដ៏គួរអោយចាប់អារម្មណ៍នឹងទាក់ទាញ។

ការបោះជំរុំភាសាអង់គ្លេស IYF កម្ពុជា លើកទីពីរ នឹងបង្រៀនភាសាតាមបែបសប្បាយៗ រំភើបរីករាយ ដោយមានសកម្មភាព និងឧបករណ៍ដ៏សម្បូរបែប។ ក្នុងនេះផងដែរក៏មានអន្តរកម្មរវាងសកម្មភាពគ្រូនិងសិស្ស តាមរយៈការរាំ វគ្គសង្គ្រោះបឋម និងការរៀនធ្វើម្ហូប សកម្មភាពនៅស្តង់ដោយផ្ដោតសំខាន់លើស្ថានភាពជីវិតពិតជាក់ស្ដែង “ការអប់រំចិត្តគំនិត” ដោយមេដឹកនាំសាសនា ល្បែងស្វែងរកវត្ថុផ្សេងៗ កម្មវិធីប្រឡងចម្រៀង ល្បែងកម្សាន្ត និងសកម្មភាពសិក្សាជាបុគ្គល និងជាក្រុមជាច្រើនទៀត។

លោក អៀន វ៉ាតសុន នាយកប្រតិបត្តិក្រុមហ៊ុនសែលកាត បានថ្លែងឲ្យដឹងថា “សែលកាតមានមោទនភាពបំផុតក្នុងការឧបត្ថម្ភគាំទ្រការបោះជំរុំ IYF និងបានចូលរួមទស្សនវិស័យក្នុងការបោះជំរុំនេះដើម្បីអភិវឌ្ឍជំនាញភាសាអង់គ្លេសដល់យុវជនខ្មែរ។ ជាមួយបំណិនលើជំនាញភាសាអង់គ្លេស ប្រជាពលរដ្ឋខ្មែរជាច្រើន នឹងអាចស្វែងយល់ តម្រង់ទិស និងចូលរួមចំណែកក្នុងវិស័យផ្សេងៗដែលរៀបចំអនាគតពួកគាត់ឲ្យកាន់តែប្រសើរឡើងដូចវិស័យបច្ចេកវិទ្យា វិទ្យាសាស្ត្រ ទូរគមនាគមន៍ ព័ត៌មានវិទ្យា និងឌីជីថលជាដើម។”

កម្មវិធីរយៈពេលបួនថ្ងៃនេះ នឹងត្រូវរៀបចំឡើងនៅIYF Center ពីថ្ងៃទី12-14 ពីម៉ោង 8ព្រឹក ដល់ 5ល្ងាច។ តម្លៃចុះឈ្មោះចូលរួម 10ដុល្លារ ជាមួយការផ្ដល់ជូនអាហារថ្ងៃត្រង់មួយពេលផងដែរ។ សម្រាប់ព័ត៌មានបន្ថែម សូមផ្ញើអ៊ីម៉ែលទៅកាន់ hi@iyfcam.com ឬ ទូរស័ព្ទទៅ 089 800 914/085 770 770។

អ្នកក៏អាចអានផងដែរ

មករា, ថ្ងៃ​ច័ន្ទ 18, 2021

សែលកាត ដែលជាក្រុមហ៊ុនទូរគមនាគមន៍ឈានមុខគេនៅកម្ពុជា ត្រូវបានទទួលស្គាល់ជាថ្មីម្ត...

ធ្នូ, ថ្ងៃ​ព្រហស្បតិ៍ 31, 2020

ដោយការឈានចេញឆ្នាំចាស់ដ៏លំបាកផ្លាស់ចូលឆ្នាំថ្មី ក្រុមហ៊ុនសែលកាត បានប្រកាសឱ្យដឹ...

ធ្នូ, ថ្ងៃ​អង្គារ 01, 2020

បន្ទាប់ពីការរៀបចំ និងអភិវឌ្ឍផលិតផលគំរោងរបស់ខ្លួនអស់រយៈពេលជាច្រើនខែមក ថ្ងៃនេះក...

វិច្ឆិកា, ថ្ងៃ​ពុធ 25, 2020

វណ្ណដា ដែលជាតារាចម្រៀងរ៉េបដ៍ល្បី ប្រចាំប្រទេសកម្ពុជានាពេលបច្ចុប្បន្ននេះ ត្រូវ...

សមិទ្ធិផលពានរង្វាន់បណ្តាញសេវារបស់សែលកាត