វណ្ណដា តារាចម្រៀងរ៉េបដែលកំពុងពេញនិយមពីសំណាក់យុវវ័យ ត្រូវបានប្រកាសជា ទូតសុឆន្ទៈតំណាងឱ្យក្រុមហ៊ុនសែលកាត | សែលកាត

វណ្ណដា តារាចម្រៀងរ៉េបដែលកំពុងពេញនិយមពីសំណាក់យុវវ័យ ត្រូវបានប្រកាសជា ទូតសុឆន្ទៈតំណាងឱ្យក្រុមហ៊ុនសែលកាត

ថ្ងៃចេញផ្សាយ: វិច្ឆិកា, ថ្ងៃ​ពុធ 25, 2020

វណ្ណដា ដែលជាតារាចម្រៀងរ៉េបដ៍ល្បី ប្រចាំប្រទេសកម្ពុជានាពេលបច្ចុប្បន្ននេះ ត្រូវបានប្រកាសជាទូតសុឆន្ទៈថ្មីបំផុតមួយរូបតំណាងឱ្យក្រុមហ៊ុនសែលកាត។ ការប្រកាសនេះ ត្រូវបានធ្វើឡើងបន្ទាប់ពីការចាប់ផ្តើមយុទ្ធនាការ “Time to Rise” របស់តារាចម្រៀងរ៉េបអាយុ ២៣ ឆ្នាំរូបនេះ ដែលចង់បង្ហាញនូវមហិច្ឆតារបស់សិល្បករក្នុងការ

ក្នុងការជម្រុញ និងការអភិវឌ្ឍន៍ភាពឆ្នើមរបស់កម្ពុជា ដើម្បីចែករំលែកទៅកាន់ពិភពលោក។ វណ្ណដា ព្យាយាមលើកស្ទួយ និងនាំយកកម្មវិធីថ្មីៗ ក្រោមកិច្ចសហការណ៍ជាមួយក្រុមហ៊ុនសែលកាត រួមជាមួយនឹងសមាជិកក្រុមដែលពោរពេញទៅដោយទេពកោសល្យរបស់ខ្មែរ ដែលកំពុងតែមានសន្ទុះនៃភាពរីកចម្រើនយ៉ាងខ្លាំង។

ការផ្លាស់ប្តូររបស់ វណ្ណដា មកសហការជាមួយក្រុមហ៊ុនសែលកាតនេះ កាន់តែសបញ្ជាក់ឱ្យឃើញច្បាស់នូវការផ្លាស់ប្តូរដ៏សំខាន់នៅក្នុងវិស័យតន្រ្តី ដែលសិល្បកររបស់យើង ត្រូវស្វះស្វែងរកនូវមធ្យោបាយតាមអនឡាញថ្មីៗ ដើម្បីរក្សាការទំនាក់ទំនង និងចែកចាយបទចម្រៀងថ្មីៗទៅកាន់អ្នកគាំទ្ររបស់ពួកគាត់។

លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែកាត បានថ្លែងឱ្យដឹងថា ភាពជំនាញផ្នែកឌីជីថលរបស់សែលកាត ដែលជាក្រុមហ៊ុនជាមោទនភាពរបស់ជាតិខ្មែរ និងមានកម្មសិទ្ធិ ១០០% ជាជនជាតិខ្មែរ នឹងញុំាងឱ្យក្រុមហ៊ុនក្លាយជាដៃគូដ៏សក្តិសមបំផុតសម្រាប់ វណ្ណដា ដែលកំពុងតែខិតខំជម្រុញឱ្យអាជីពរបស់គាត់កាន់តែរីកចម្រើនទៅមុខថែមទៀត។

លោក វ៉ាតសុន បានមានប្រសាសន៍បន្តទៀតថា៖ “យើងបានទទួលស្វាគមន៍សិល្បករ ដែលមានទេពកោសល្យពូកែៗកាន់តែច្រើនឡើងៗឱ្យមកចូលរួមជាមួយគ្រួសារសែលកាត និងរ៉ូយ៉ាល់គ្រុបរបស់យើង។ ការចូលរួមនេះ នឹងនាំពួកយើងទៅកាន់ទំព័រថ្មីមួយទៀត ដែលជាការផ្តល់នូវថ្នាលដល់សិល្បៈករក្នុងស្រុកដែលមានទេពកោសល្យល្អៗ ក្នុងការអភិវឌ្ឍខ្លួនជាមួយពួកយើង” ។

“ពួកយើងពិតជារីករាយបំផុត ដែលបាន វណ្ណដា ចូលរួមជាមួយសែលកាត ហើយទន្ទឹមនឹងនោះពួកយើងក៏កំពុងទន្ទឹងរង់ចាំក្នុងការស្វែងរកនូវឱកាសថ្មីៗ ដែលនឹងផ្តល់អត្ថប្រយោជន៍ដល់សហគមន៍ដ៏ធំនៃយុវជន ពោលគឺជាសហគមន៍មួយដែលពួកយើងកំពុងតែចងភ្ជាប់ទំនាក់ទំនងជាមួយ និងជួយកសាងឱ្យកាន់តែរីកចម្រើនទៅមុខ”។

“ដោយមិនត្រឹមតែជាសិល្បកដែលមានទេពកោសល្យលេចធ្លោបំផុតម្នាក់នោះទេ វណ្ណដា ក៏ជាអ្នកតស៊ូដ៏មោះមុត និងជាម្ចាស់ជើងឯកនៃមោទកភាពជាតិរបស់ខ្មែរ ដើម្បីភាពរីកចម្រើននៃវប្បធម៌យុវជនកម្ពុជា”។

គួរឱ្យចាប់អារម្មណ៍បំផុតផងដែរ កិច្ចព្រមព្រៀងរបស់វណ្ណដា ក្នុងនាមជាទូតសុឆន្ទៈនេះ គឺជាផ្នែកមួយនៃគម្រោងដ៏ធំរវាងក្រុមហ៊ុនសែលកាត និងផលិតកម្មបារមី។

ក្រុមហ៊ុនទាំងពីរបានប្តេជ្ញាចិត្តក្នុងការចូលរួមអភិវឌ្ឍ និង បណ្តុះបណ្តាលវិស័យសិល្បៈ នៅក្នុងប្រទេសកម្ពុជា ឱ្យបានកាន់តែស៊ីជម្រៅ ពោលគឺផ្តល់នូវលក្ខខណ្ឌស្មើភាពគ្នា និងឱកាសឱ្យបានយ៉ាងសមស្របបំផុតដល់សិល្បកររបស់យើង។

កញ្ញា ម៉ម ឡូរ៉ា ដែលជាស្ថាបនិក និងជានាយកប្រតិបត្តិរបស់ផលិតកម្មបារមី បានមានប្រសាសន៍ថា វណ្ណដា តែងតែគិតគូរជានិច្ចក្នុងការតបស្នងទៅកាន់សហគមន៍ និងប្រជាជាតិរបស់គាត់វិញ ហើយទន្ទឹមនឹងនោះ គាត់ក៏ជាអ្នកគាំទ្រដ៏សកម្មម្នាក់ក្នុងការចូលរួមការងារផ្នែកសប្បុរសធម៌ និងគម្រោងផ្តួចផ្តើមជាច្រើនទៀត ដោយក្នុងនោះរួមមានការប្រើអាល់ប៊ុមថ្មីរបស់គាត់ $ KULL ក្នុងការស្វែងរកថវិការសំរាប់គ្រួសារខ្សត់ខ្សោយ។

មូលនិធិសប្បុរសធម៌ $KULL គឺជាបានលក់អស់អាវយឺតដែលបោះពុម្ភ limited edition ជាច្រើនរាប់រយជូនទៅដល់អ្នកគាំទ្រ ដើម្បីរៃអង្គាសថវិកា សម្រាប់គ្រួសារទីទាល់ក្រនៅខេត្តព្រះវិហារ។ អាវយឺតទាំងនោះ ត្រូវបានលក់អស់ភ្លាមៗក្នុងរយៈពេលតែ៤ ម៉ោងប៉ុណ្ណោះ ទាំងនេះបង្ហាញពីការលះបង់របស់បណ្តាអ្នកគាំទ្រ។

កញ្ញា ម៉ម ឡូរ៉ា បានបន្ថែមឱ្យដឹងថា វណ្ណដាមានអារម្មណ៍ថា ពេលនេះគឺពេលវេលាដ៏សក្តិសមបំផុតក្នុងការចូលរួមជាមួយក្រុមហ៊ុនដែលអាចជួយសម្រេចបាននូវសេចក្តីប្រាថ្នារបស់គាត់ ដែលចង់ក្លាយខ្លួនជាសិល្បករដ៏ល្បីបំផុត និងជាអ្នកតស៊ូមតិដើម្បីលើកកម្ពស់ជីវិតដ៏ជាទីមោទនបំផុតម្នាក់របស់ខ្មែរ៕

អ្នកក៏អាចអានផងដែរ

មិនា, ថ្ងៃ​សៅរ៍ 23, 2024

ទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍លើកទី២ ថ្ងៃទី២៤-២៦ មីនា ២០...

មិនា, ថ្ងៃ​សុក្រ 15, 2024

ក្រុមហ៊ុន ខេម ជ្ជីអេសអេម ម.ក ហៅកាត់ថា សែលកាត ជាក្រុមហ៊ុនប្រតិបត្តិករទូរស័ព្ទ...

មិនា, ថ្ងៃ​អង្គារ 12, 2024

កាលពីថ្ងៃទី១១ ខែមីនា ឆ្នាំ២០២៤ ព្រះរាជាណាចក្រកម្ពុជាបានបោះជំហានលើក​ដំបូង ​លើ...

កុម្ភៈ, ថ្ងៃ​សៅរ៍ 17, 2024

ក្រុមហ៊ុន ខេម ជ្ជីអេសអេម ម.ក ហៅថា “ សែលកាត ” ជាប្រតិបត្តិករទូរស័ព្ទចល័តឈានមុ...

សមិទ្ធិផលពានរង្វាន់បណ្តាញសេវារបស់សែលកាត

star មុខងារថ្មី!

មានអ្វីចង់សួរមែនទេ? កាន់តែងាយស្រួល! ឥឡូវនេះលោកអ្នកអាចឆែកមើលសំណួរចម្លើយដែលបានសួរជាញឹកញាប់ថ្មីៗនៅទីនេះ!