លោកស្រី Lynnette Gan មានតួនាទីជានាយកប្រតិបត្តិ នាយកដ្ឋានហិរញ្ញវត្ថុ នៅក្នុងក្រុមហ៊ុន សែលកាត លោកស្រី ដើរតួនាទីយ៉ាងសំខាន់ ក្នុងការធានាស្ថិរភាពហិរញ្ញវត្ថុ និងប្រសិទ្ធភាពប្រតិបត្តិការរបស់ក្រុមហ៊ុន។ លោកស្រី ក៏មានតួនាទីយ៉ាងសំខាន់ ក្នុងការចាត់ចែងរូបិយវត្ថុ ដែលសបញ្ជាក់ឱ្យឃើញពីភាពជាអ្នកដឹកនាំ និងការគ្រប់គ្រងហិរញ្ញវត្ថុជាយុទ្ធសាស្ត្រ របស់ក្រុមហ៊ុនសែលកាត។

ក្នុងនាម ជានាយកប្រតិបត្តិ នាយកដ្ឋានហិរញ្ញវត្ថុ លោកស្រី មើលការខុសត្រូវផ្នែកសុខភាពហិរញ្ញវត្ថុ និងសវនកម្មគណនេយ្យ ធានាបាននូវការអនុលោមភាព និងការជំរុញកំណើនជាយុទ្ធសាស្ត្រ។

ចូលប្រឡូកក្នុងការងារជាអាជីពផ្នែកហិរញ្ញវត្ថុ លោកស្រី បានចាប់ផ្តើមធ្វើការជាមួយនឹងក្រុមហ៊ុន Arthur Andersen រយៈពេលប្រាំមួយឆ្នាំ នៅក្នុងប្រទេសម៉ាឡេស៊ី។ នៅក្នុងឆ្នាំ ២០០១ គាត់បានផ្លាស់ទីលំនៅ មកប្រទេសកម្ពុជា ក្រោយមកគាត់បានចូលធ្វើការជាមួយក្រុមហ៊ុន KPMG ។ នៅក្នុងឆ្នាំ ២០០៣ លោកស្រីបានប្តូរទៅធ្វើការ ជាមួយក្រុមហ៊ុន Coca-Cola Cambodia ធ្វើជាប្រធានគ្រប់គ្រងហិរញ្ញវត្ថុ នៅក្នុងក្រុមហ៊ុននោះ។ លោកស្រី បានអនុវត្ត ដំណើរការប្រព័ន្ធទិន្នន័យកម្មវិធី និងផលិតផល SAP បានជោគជ័យ នៅក្នុងឆ្នាំការងារដំបូង របស់លោកស្រី ហើយលោកស្រី ក៏ជាជើងឯកក្នុងការផ្តួចផ្តើមគំនិតជាយុទ្ធសាស្ត្រផ្នែកហិរញ្ញវត្ថុ ជាបន្តបន្ទាប់ផងដែរ។ គាត់មានបទពិសោធលើផ្នែកអាជីវកម្មចម្រុះ ដែលបទពិសោធទាំងនេះ បានបង្ហាញពីសមត្ថភាពរបស់លោកស្រី ក្នុងការជំរុញប្រតិបត្តិការហិរញ្ញវត្ថុឱ្យមានភាពប្រសើរឡើង។

ក្នុងរយៈជាង ១៧ ឆ្នាំនៃការធ្វើការងារ ជាមួយក្រុមហ៊ុនសែលកាត លោកស្រី បានបង្ហាញភាពជាអ្នកដឹកនាំ ក្នុងក្រុមការងារផ្នែកហិរញ្ញវត្ថុដ៏ធំមួយឆ្ពោះទៅរកការសម្រេចបាន នូវគោលដៅជាយុទ្ធសាស្រ្តច្បាស់លាស់។ ការធ្វើការជាមួយក្រុមហ៊ុន ក្នុងរយៈពេលវែងជាមួយក្រុមហ៊ុនសែលកាត ធ្វើឱ្យលោកស្រី មានពេលវេលាជួយរៀបចំទិសដៅហិរញ្ញវត្ថុ និងកំណើន របស់ក្រុមហ៊ុនសែលកាតជាបន្តបន្ទាប់។

លោក Kirill Strashenko គឺជានាយកប្រតិបត្តិផ្នែកបច្ចេកវិទ្យា និងព័ត៌មានវិទ្យា ដែលមានបទពិសោធជាង 20 ឆ្នាំ ក្នុងវិស័យទូរគមនាគមន៍។ ជំនាញរបស់លោកគ្របដណ្តប់ទាំងលើបណ្តាញទូរស័ព្ទចល័ត និងបណ្តាញអុបទិក ដោយលោកធ្លាប់បានសម្រេចនូវគម្រោងហេដ្ឋារចនាសម្ព័ន្ធធំៗជាច្រើនក្នុងកម្រិតអន្តរជាតិ។

ស្នាដៃដ៏ឆ្នើមរបស់លោក រួមមានការដឹកនាំដាក់ឱ្យដំណើរការបច្ចេកវិទ្យា 3G និង 4G ព្រមទាំងការបើកសម្ពោធបណ្តាញ 5G ដំបូងគេនៅក្នុងប្រទេសកាហ្សាក់ស្ថាន។ លោកក៏បានដើរតួយ៉ាងសំខាន់ក្នុងការធ្វើទំនើបកម្មប្រព័ន្ធបណ្តាញស្នូល និងការទទួលបានអាជ្ញាប័ណ្ណពីរដ្ឋាភិបាលសម្រាប់ការពង្រីកបណ្តាញ 4G ទូទាំងប្រទេស និងដំណោះស្រាយបណ្តាញ 5G ឯកជនសម្រាប់វិស័យឧស្សាហកម្មឯកទេសផងដែរ។

នៅ cellcard លោក Kirill នឹងដឹកនាំយុទ្ធសាស្ត្របច្ចេកទេស និងការអភិវឌ្ឍសមត្ថភាពបណ្តាញ ដើម្បីជំរុញឱ្យមានការច្នៃប្រឌិតថ្មីៗ។ លោកប្ដេជ្ញាចិត្តក្នុងការពង្រឹងគុណភាពសេវាកម្ម និងការតភ្ជាប់ឱ្យកាន់តែប្រសើរឡើង ដើម្បីផ្ដល់នូវបទពិសោធដ៏ល្អសម្រាប់អតិថិជនក្នុងប្រទេសកម្ពុជា។ 

Asitha De Costa នាំមកនូវជំនាញព័ត៌មានបច្ចេកវិទ្យាចម្រុះ និងចក្ខុវិស័យជាយុទ្ធសាស្ត្រដល់ក្រុមហ៊ុនសែលកាត លោកចូលកាន់តំណែងជានាយកប្រតិបត្តិ នាយកផ្នែកព័ត៌មានវិទ្យានៅក្នុងខែធ្នូ ឆ្នាំ២០២៣។ លោកមានចំណេះដឹងខាងនវានុវត្តន៍បច្ចេកវិទ្យាយ៉ាងស៊ីជម្រៅក្នុងការជំរុញកំណើនអាជីវកម្ម ដែលផ្តល់លទ្ធផលបានល្អជាក់ស្តែង។

លោកមានបទពិសោធជាង ១៧ឆ្នាំ រួមទាំង ១១+ ឆ្នាំ នៅក្នុងការធ្វើជាអ្នកគ្រប់គ្រងជាន់ខ្ពស់នៅក្នុងប្រទេសជាច្រើន លោកជាថ្នាក់ដឹកនាំ ដែលមានបទពិសោធផ្នែកឌីជីថលយ៉ាងច្រើន។ លោកមានតួនាទីយ៉ាងសំខាន់ជានាយកប្រតិបត្តិ នាយកដ្ឋានព័ត៌មានវិទ្យា។

នៅក្រុមហ៊ុន Crystal Martin Cambodia Ltd ដែលជាកន្លែង ដែលលោកបានរៀបចំយុទ្ធសាស្ត្រទំនាក់ទំនងបច្ចេកវិទ្យាព័ត៌មាន នៅក្នុងស្រុកជាមួយនឹងសកលលោក។ ជាការកត់សម្គាល់ លោកបានដឹកនាំក្រុមនវានុវត្តន៍ ផ្នែកព័ត៌មានវិទ្យានៅ LAUGFS Holding Ltd ក្នុងប្រទេសស្រីលង្កា ហើយទទួលបានពានរង្វាន់ Asia Pacific ICT Award ក្នុងឆ្នាំ២០១៦ សម្រាប់ផលិតផល IoT ។

ប្រវត្តិសិក្សារបស់លោក រួមមាន BSc ក្នុងប្រព័ន្ធកុំព្យូទ័រ និងប្រព័ន្ធបណ្តាញ MSc ក្នុងការគ្រប់គ្រងគម្រោង និងសញ្ញាបត្រជាន់ខ្ពស់ផ្នែកគ្រប់គ្រង។ លោកគឺជាសមាជិកនៃអង្គការ ដែលមានវិជ្ជាជីវៈនៅក្នុងសមាគមកុំព្យូទ័រអង់គ្លេស British Computer Society។

ជាមួយនឹងជំនាញដ៏លេចធ្លោ ដែលគ្របដណ្តប់លើយុទ្ធសាស្ត្រអាជីវកម្ម កិច្ចការរដ្ឋាភិបាល ទំនាក់ទំនងជាមួយគ្រឹះស្ថានហិរញ្ញវត្ថុ ភាពជាដៃគូសាជីវកម្ម ការវិភាគឥណទាន ការគ្រប់គ្រងសាខា ធនាគារអន្តរជាតិ និងការគ្រប់គ្រងហានិភ័យ លោកស្រីរចនា ផ្តល់នូវបទពិសោធដ៏សម្បូរបែប និងការយល់ដឹងជាយុទ្ធសាស្ត្រ។​

មូលដ្ឋានគ្រឹះនៃការសិក្សារបស់លោកស្រី រួមមានសញ្ញាបត្រអនុបណ្ឌិតពីរផ្នែកគឺ គ្រប់គ្រងពាណិជ្ជកម្ម ពីវិទ្យាស្ថានបច្ចេកវិទ្យាអាស៊ី (ព្រះរាជាណាចក្រថៃឡង់ដ៍) និង École Supérieure de Nantes (ប្រទេសបារាំង) បន្ថែមលើសញ្ញាបត្របរិញ្ញាបត្រ ពីសាកលវិទ្យាល័យភូមិន្ទ នីតិសាស្ត្រ និងវិទ្យាសាស្ត្រសេដ្ឋកិច្ច ក្នុងរាជធានីភ្នំពេញ។​

លោកស្រី ត្រូវបានគេទទួលស្គាល់ជាឥស្សរជនសំខាន់ ក្នុងវិស័យធនាគាររបស់កម្ពុជា ភាពជាអ្នកដឹកនាំ និងប្រវត្តិការងារដ៏ចម្រុះ របស់លោកស្រីរចនា មានសារៈសំខាន់ក្នុងការជំរុញយុទ្ធសាស្ត្រនិយ័តកម្ម ច្បាប់ និងកិច្ចការរដ្ឋាភិបាលរបស់យើង ខណៈពេលដែលយើងបន្តនវានុវត្តន៍ និងបរិវត្តកម្មឌីជីថលនៅក្នុងវិស័យនេះ។​

លោក Andrey Kuzin គឺជាថ្នាក់ដឹកនាំផ្នែកទូរគមនាគមន៍ ដែលមានបទពិសោធជាង ២ ទស្សវត្សរ៍ បច្ចុប្បន្នលោកជានាយក ផ្នែកបច្ចេកវិទ្យា នៅក្រុមហ៊ុន សែលកាត។ លោកបានបន្សីបច្ចេកវិទ្យា ជាមួយនឹងគោលបំណងអាជីវកម្ម ដើម្បីជំរុញបរិវត្តកម្មឌីជីថល និងបង្កើនប្រសិទ្ធភាពប្រតិបត្តិការ។ លោកមានជំនាញជាច្រើនរួមមាន ៖

បរិវត្តកម្មឌីជីថល៖ ផ្តួចផ្តើមគំនិតជាយុទ្ធសាស្ត្រ លើប្រតិបត្តិការ និងនវានុវត្តន៍ផ្នែកទូរគមនាគមន៍ ដើម្បីនាំមុខគេ ក្នុងការផ្តល់សេវាកម្មទាន់ចិត្តជូនអតិថិជន។

នវានុវត្តន៍ផ្នែកបច្ចេកវិទ្យា៖ ការជំរុញអភិវឌ្ឍន៍ និងការអនុវត្តបច្ចេកវិទ្យាទំនើបចាប់តាំងពី UMTS ដល់ LTE និង VoLTE/VoWIFI ។

ការបង្កើនប្រសិទ្ធភាពប្រតិបត្តិការ៖ ប្រើប្រាស់ OPEX ឱ្យមានប្រសិទ្ធភាព។

ការចូលរួមជាមួយភាគីពាក់ព័ន្ធ៖ ការកសាងទំនាក់ទំនងល្អជាមួយក្រុមដៃគូ និងភាគីពាក់ព័ន្ធក្នុងវិស័យ។

សមិទ្ធិផលរបស់លោក រួមមានការសម្រេចបាននូវការអនុម័ត VoLTE/VoWIFI នៅអាស៊ីអាគ្នេយ៍។ ចាត់ចែង OPEX លំដាប់ថ្នាក់ល្អនៅក្នុង Axiata និងការរួមចំណែកជាមួយក្រុមហ៊ុន សែលកាត ក្នុងការទទួលបានពានរង្វាន់ លើបណ្តាញទូរស័ព្ទចល័តដែលមានល្បឿនលឿន ពីក្រុមហ៊ុន OpenSignal ក្នុងឆ្នាំ ២០២៣។

លោកស្រី សុភាវត្តី មានបទពិសោធច្រើនឆ្នាំក្នុងការរៀបចំផែនការយុទ្ធសាស្ត្រ ភាពជាអ្នកដឹកនាំម៉ាកយីហោ និងនវានុវត្តន៍ទីផ្សារសម្រាប់ស្ថាប័នរបស់យើង។ លោកស្រីមានសមត្ថភាពដ៏ប៉ិនប្រសប់ក្នុងការជំរុញកំណើនតាមរយៈយុទ្ធសាស្ត្រទីផ្សារផ្ដោតលើទិន្នន័យ យុទ្ធនាការផ្ដោតលើអតិថិជន និងបរិវត្តកម្មឌីជីថល ដោយលោកស្រីផ្ដោតចម្បងលើលទ្ធផលការងារ។

ក្នុងអាជីពការងាររបស់លោកស្រី សុភាវត្តី គាត់បានកាន់តួនាទីជានាយកផ្នែកទីផ្សារជាន់ខ្ពស់នៅក្នុងវិស័យជាច្រើន។ លោកស្រីបានរៀបចំយុទ្ធសាស្ត្រម៉ាកយីហោជាមួយនឹងគោលដៅអាជីវកម្ម ដោយនាំយកនូវលទ្ធផលការងារដែលអាចវាស់វែងបាន។ ភាពជាអ្នកដឹកនាំរបស់លោកស្រីបានដើរតួនាទីយ៉ាងសំខាន់នៃភាពជោគជ័យក្នុងការរៀបចំដំណើរការយុទ្ធសាស្ត្រថ្មីសម្រាប់ទីផ្សារ ព្រមទាំងការវាយលុកទីផ្សារថ្មីៗ និងកសាងក្រុមការងារទីផ្សារដែលមានសមត្ថភាពខ្ពស់។

លោកស្រី សុភាវត្តី បានបញ្ចប់ថ្នាក់អនុបណ្ឌិតពីរជំនាញគឺ ទីផ្សារ និងនវានុវត្តន៍បច្ចេកវិទ្យា ពីទីក្រុង Worcester រដ្ឋ Massachusetts សហរដ្ឋអាមេរិក។

ដោយភាពជាអ្នកដឹកនាំប្រកបដោយថាមពល និងជំនាញជាច្រើនឆ្នាំរបស់លោកស្រី យើងមានទំនុកចិត្តថាលោកស្រី សុភាវត្តី នឹងដឹកនាំគំនិតផ្ដួចផ្ដើមនានា ដើម្បីលើកកម្ពស់ភាពលេចធ្លោនៃម៉ាកយីហោរបស់យើង បង្កើនការចូលរួមតាមប្រព័ន្ធឌីជីថល និងជួយទ្រទ្រង់ដល់កំណើនប្រកបដោយនិរន្តរភាពក្នុងរយៈពេលវែង។

លោក Vincent Lee មានបទពិសោធវិស័យទូរគមនាគមន៍រយៈពេល ២៨ឆ្នាំ ដោយបានផ្តល់លទ្ធផលដ៏ល្អរួមមានការដាក់ឱ្យប្រើប្រាស់កម្មវិធីបង់ប្រាក់ជាមុន "Mix & Match" ការជំរុញកំណើនចំណូលរយៈពេល ១២ត្រីមាសជាប់ៗគ្នា ការពង្រីកមូលដ្ឋានអតិថិជនបង់ប្រាក់ជាមុន (Prepaid) គ្មានដែនកំណត់បាន ១លាននាក់ និងការដឹកនាំយុទ្ធសាស្ត្រសម្រាប់សេវាកម្ម Integrated Services, FTTH និង IPTV។ បទពិសោធ និងជំនាញរបស់លោកនឹងដើរតួយ៉ាងសំខាន់ក្នុងការជំរុញដំណើររីកចម្រើនផ្នែកអតិថិជនរបស់ក្រុមហ៊ុនសែលកាត។

លោកស្រី ឈាង វីយោឡា គឺជាថ្នាក់ដឹកនាំយុទ្ធសាស្ត្រផ្នែកធនធានមនុស្ស ដែលមានបទពិសោធជាង 20 ឆ្នាំ ក្នុងការជំរុញការអភិវឌ្ឍធនធានមនុស្ស វប្បធម៌ និងរចនាសម្ព័ន្ធស្ថាប័ន នៅក្នុងបណ្តាក្រុមហ៊ុនឈានមុខគេជាច្រើនក្នុងប្រទេសកម្ពុជា។ លោកស្រីធ្លាប់បានដឹកនាំគំនិតផ្តួចផ្តើមសំខាន់ៗជាច្រើន លើការគ្រប់គ្រងធនធានមនុស្ស គោលការអត្ថប្រយោជន៍ ការរៀបចំរចនាសម្ព័ន្ធក្រុមហ៊ុន ការបណ្តុះបណ្តាលថ្នាក់ដឹកនាំ និងការធ្វើទំនើបកម្មផ្នែកធនធានមនុស្ស នៅក្នុងវិស័យផ្សេងៗដូចជា អចលនទ្រព្យ និងសេវាកម្មហិរញ្ញវត្ថុ។

មុនពេលចូលរួមជាមួយក្រុមហ៊ុន cellcard លោកស្រី វីយោឡា ធ្លាប់បានកាន់តំណែងជាថ្នាក់ដឹកនាំជាន់ខ្ពស់ផ្នែកធនធានមនុស្សនៅក្រុមហ៊ុន ISI Group, ក្រុមហ៊ុន AIA Cambodia និងក្រុមហ៊ុន Prudential Cambodia។ សមត្ថភាពរបស់គាត់ត្រូវបានទទួលស្គាល់ចំពោះការធ្វើឱ្យយុទ្ធសាស្ត្រក្រុមហ៊ុន និងបុគ្គលិកដើរស្របគ្នា ជួយពង្រឹងសមត្ថភាពរបស់ក្រុមហ៊ុន និងបង្កើតក្រុមការងារដែលធ្វើការបានយ៉ាងល្អ ក្នុងអំឡុងពេលដែលក្រុមហ៊ុនកំពុងរីកចម្រើន និងផ្លាស់ប្តូរទម្រង់ថ្មី។

ក្រោមតួនាទីបច្ចុប្បន្ន លោកស្រី វីយោឡា ធ្វើការយ៉ាងជិតស្និទ្ធជាមួយថ្នាក់ដឹកនាំ ដើម្បីលើកកម្ពស់ប្រសិទ្ធភាពការងាររបស់ស្ថាប័ន ពង្រឹងសមត្ថភាពថ្នាក់ដឹកនាំ និងរៀបចំបុគ្គលិកឱ្យមានជំនាញសម្រាប់ថ្ងៃអនាគត ដើម្បីជួយជំរុញក្រុមហ៊ុនក្នុងជំហានរីកចម្រើនថ្មីមួយទៀត។