CAMBODIA’S DIGITAL EDUCATION TAKES CENTER STAGE AT INAUGURAL EDTECH SUMMIT 2025

[រាជធានីភ្នំពេញ ព្រះរាជាណាចក្រកម្ពុជា ថ្ងៃទី ១៧ ខែកុម្ភៈ ឆ្នាំ ២០២៥] – អនាគតនៃការអប់រំនៅកម្ពុជា គឺជាកិច្ចពិភាក្សាចំបង និងកិច្ចសហការយ៉ាងស៊ីជម្រៅនៅក្នុងសន្និសីទ និងពិព័រណ៍បច្ចេកវិទ្យាអប់រំកម្ពុជាលើកទី១ ក្រោមប្រធានបទ “មាគ៌ាកម្ពុជាឆ្ពោះទៅកាន់ការអប់រំឌីជីថល” ដែលប្រារព្ធធ្វើឡើងនៅវិទ្យាស្ថានបច្ចេកវិទ្យាកម្ពុជា នៅថ្ងៃទី ១៧-១៨ ខែកុម្ភៈ ឆ្នាំ២០២៥។ ព្រឹត្តិការណ៍ដ៏សំខាន់នេះបានប្រមូលផ្តុំអ្នកសរសេរគោលនយោបាយ បុគ្គលិកអប់រំ អ្នកជំនាញព័ត៌មានវិទ្យា អ្នករៀបចំបច្ចេកវិទ្យាអប់រំ អ្នកដឹកនាំគ្រប់វិស័យ និងសិស្សានុសិស្ស ចំនួនជាង ២,០០០ ដើម្បីជំរុញសមាហរណកម្មបច្ចេកវិទ្យានៅក្នុងប្រព័ន្ធអប់រំកម្ពុជា។

សន្និសីទនេះ បានបើកជាផ្លូវការក្រោមអធិបតីភាព ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីនៃក្រសួងអប់រំ យុវជន និងកីឡា (MoEYS)។ ឯកឧត្តមបណ្ឌិតសភាចារ្យ បានផ្តល់វេទិកានេះ ដើម្បីស្វែងរកបញ្ហាប្រឈម និងឱកាសក្នុងការបង្កើតបរិយាកាសសិក្សា តាមប្រព័ន្ធឌីជីថលប្រកបដោយសមធម៌ និរន្តរភាព និងសុវត្ថិភាព។ ការពិភាក្សាផ្តោតលើ ការស្វែងរកប្រព័ន្ធអេកូឡូស៊ី EdTech ដែលកំពុងវិវត្តជំរុញនវានុវត្តន៍ និងការលើកកម្ពស់ ការអភិវឌ្ឍជំនាញសម្រាប់យុគសម័យឌីជីថល។

ក្រុមហ៊ុនសែលកាត ដែលជាប្រតិបត្តិករទូរគមនាគមន៍ក្នុងស្រុករបស់កម្ពុជា ដែលជាដៃគូឧបត្ថម្ភ បានគូសបញ្ជាក់ ពីការគាំទ្ររបស់ខ្លួន លើគំនិតផ្តួចផ្តើមនៃការធ្វើបរិវត្តកម្មវិស័យអប់រំឌីជីថលរបស់រាជរដ្ឋាភិបាល។

ឯកឧត្តមបណ្ឌិតសភាចារ្យ បានមានប្រសាសន៍ថា “សន្និសីទនេះ គឺជាវេទិកាដ៏សំខាន់មួយសម្រាប់ បរិវត្តកម្មវិស័យអប់រំនៅកម្ពុជា ក្រសួងបានព្យាយាមប្រើបច្ចេកវិទ្យា ដើម្បីបង្កើនលទ្ធភាពសិក្សា សម្រាប់សិស្សានុសិស្សទាំងអស់ ចំណែកឯការទទួលបានកិច្ចសហការឧបត្ថម្ភពីក្រុមហ៊ុនសែលកាត ក៏មានសារៈសំខាន់ណាស់ផងដែរ ក្នុងការសម្រេចបាននូវចក្ខុវិស័យរបស់យើងនេះ។ ខ្ញុំបាទ សូមថ្លែងអំណរគុណចំពោះការឧបត្ថម្ភគាំទ្រពីក្រុមហ៊ុន ក្នុងការផ្តល់ឧបករណ៍ឌីជីថល និងធនធានចាំបាច់ជូនសាលា។”

លោក Simon Perkins អគ្គនាយកប្រតិបត្តិ នៃក្រុមហ៊ុនក្នុងវិស័យបច្ចេកវិទ្យាទំនាក់ទំនងព័ត៌មាន នៃក្រុមហ៊ុនរ៉ូយ៉ាល់គ្រុប​ បានមានប្រសាសន៍ថា ” ក្រុមហ៊ុន សែលកាត មានមោទកភាពក្នុងការក្លាយជា ដៃគូយុទ្ធសាស្រ្តជាមួយក្រសួងអប់រំ យុវជន និងកីឡា ដើម្បីជួយជំរុញបរិវត្តកម្មឌីជីថល ក្នុងវិស័យអប់រំនៅកម្ពុជា។ យើងខ្ញុំជឿជាក់ថា លទ្ធភាពទទួលបានបច្ចេកវិទ្យា និងចំណេះដឹងឌីជីថលមានសារៈសំខាន់ សម្រាប់លើកកម្ពស់ដល់ ធនធានមនុស្សជំនាន់ក្រោយ។ សន្និសីទ​ និងពិព័រណ៍ ដែលមានការសហការឧបត្ថម្ភ របស់ក្រុមហ៊ុនជូនក្រសួងអប់រំ យុវជន និងកីឡានេះ បានបង្ហាញពីការជួយដល់ការកសាងអនាគត ដ៏ត្រចះត្រចង់សម្រាប់សិស្ស និស្សិតកម្ពុជា។

វត្តមានរបស់ក្រុមហ៊ុនសែលកាត មិនត្រឹមជាដៃគូឧបត្ថម្ភប៉ុណ្ណោះទេ ក្រុមហ៊ុនថែមទាំងមានដាក់ស្តង់បង្ហាញអំពីឧបករណ៍ ដែលអាចជួយដំណោះស្រាយបញ្ហាឌីជីថល សម្រាប់ស្ថាប័នអប់រំផងដែរ។ អ្នកចូលរួមក្នុងសន្និសីទ នឹងមានឱកាសស្វែងរកការផ្តល់ជូនដូចជា ប្រព័ន្ធព័ត៌មានគ្រប់គ្រងសាលារៀន (SMIS) សេវាកម្មក្លោដ Microsoft 365 គម្រោងកញ្ចប់ សែលកាតសេរី+ សែលកាតហូមវ៉ាយហ្វាយ (សែលកាតហូមវ៉ាយហ្វាយ និងកម្មវិធី សែលកាត អេប ដែលងាយស្រួលប្រើ។ ការផ្តល់គម្រោងកញ្ចប់ជាពិសេសទាំងនេះ គឺសម្រាប់ការផ្សព្វផ្សាយព័ត៌មាន ដល់សាលារៀន និងបុគ្គលិកអប់រំផងដែរ។