សែលកាតចូលរួមគាំទ្រយុទ្ធនាការសុវត្ថិភាពផ្លូវថ្នល់

ថ្ងៃចេញផ្សាយ: មិនា, ថ្ងៃ​ច័ន្ទ 05, 2018

សែលកាតបានបង្ហាញពីការគាំទ្រ AIP Foundation លើយុទ្ធនាការសុវត្ថិភាពផ្លូវថ្នល់ ក្នុងគោលបំណងចូលរួមដោះស្រាយបញ្ហានិយាយទូរស័ព្ទពេលកំពុងបើកបរ ចំពោះប្រជាជនដែលមានអាយុចាប់ពី 15​​​ ដល់ 29 ឆ្នាំ។

យុទ្ធនាការនេះ គឺត្រូវបានប្រកាសជាផ្លូវការ ក្នុងពិធីប្រកាសចាប់ផ្តើមអនុវត្តយុទ្ធនាការ ដែលបានធ្វើឡើង នៅមជ្ឈមណ្ឌល​​​សហប្រតិបត្តិការកម្ពុជា-ជប៉ុន កាលពីថ្ងៃ 27 កុម្ភះ។

យុទ្ធនាការនេះគឺមានពាក្យស្លោកថា​ “ កុំប្រើទូរស័ព្ទពេលបើកបរ! អ្នកអាចបង្កគ្រោះថ្នាក់ចរាចរណ៍! “ បើនិយាយពីវីឌីអូក្នុងការផ្សព្វផ្សាយវិញ គឺផលិតករបាន ប្រើប្រាស់ រូបដែលបង្ហាញពីអារម្មណ៍ ដែលមានរូបរាងស្អាតៗ និងគួរឲ្យទាក់ទាញ ប៉ុន្តែពួកវាទាំងនោះបានក្លាយជាឃាតករសម្លាប់នៅតាម ដងផ្លូវទៅវិញ។

លោក Laszlo Barta ដែលជានាយកផ្នែកកិច្ចការសាធារណះរបស់ក្រុមហ៊ុនសែលកាត បានចូលរួម ពិធីប្រកាសផ្តើមអនុវត្តយុទ្ធនាការអប់រំផ្សព្វផ្សាយនេះ ហើយមានប្រសាសន៍ថា យុទ្ធនាការនេះគឺពិតជាមានសារះសំខាន់ យ៉ាងខ្លាំងចំពោះសង្គម ជាពិសេស ជាសារដ៏មានអត្ថន័យសម្រាប់យុវជននាពេលបច្ចុប្បន្ន។

លោកបានបន្ថែមទៀតថា  “ ក្នុងនាមយើងជាក្រុមហ៊ុនទូរទមនាគមន៍ យើងជឿជាក់ថា​យុទ្ធនាការនេះ នឹងដើរតួនាទី យ៉ាងសំខាន់ដើម្បីធ្វើឲ្យប្រជាជនយើងមានស្មារតីភ្ញាក់រំលឹក ពីគ្រោះថ្នាក់ចរាចរណ៍នានា ដែលបង្កដោយការប្រើប្រាស់ទូរស័ព្ទពេលកំពុងបើកបរ។ “

“ ជាពិសេសយុវជនតែម្តង ដែលត្រួវតែមានការដាស់តឿនពីគ្រោះថ្នាក់ចរាចរណ៍ដែលជាមូលហេតុ ចម្បងនៃការស្លាប់នៅប្រទេសកម្ពុជា។”

លោក Berta​​ បានបន្តទៀតថា ក្រុមហ៊ុនសែលកាត នៅតែបន្តគាំទ្រលើការផ្សព្វផ្សាយពីយុទ្ធនាការអប់រំនេះ ដើម្បីបង្កើនការយល់ដឹង និងប្រសិទ្ធភាពនៃការអនុវត្ត ដោយសារតែ​ យុទ្ធនាការនេះគឺជាផ្នែកមួយនៃសកម្មភាពទំនួលខុសត្រូវសង្គមរបស់យើងក្នុងផែនការឆ្នាំ 2018 នេះ ផងដែរ។

អ្នកក៏អាចអានផងដែរ

មិថុនា, ថ្ងៃ​អង្គារ 19, 2018

ថ្ងៃនេះ​​​សែលកាតបានប្រកាសពីការនៅតែបន្តគាំទ្រយុទ្ធនាការកុំប្រើទូរស័ព្ទពេលបើកបរ...

មិថុនា, ថ្ងៃ​សុក្រ 15, 2018

សែលកាត អបអរសាទរដល់យុវទូតរបស់ខ្លួន ជាតារាចម្រៀងនិងរាំ ដែលកំពុងតែរះចែងចាំង​ លោ...

មិថុនា, ថ្ងៃ​ព្រហស្បតិ៍ 07, 2018

សែលកាត ប្រកាសអតិថិជនមហាសំណាងជាច្រើន ក្នុងកម្មវិធីចែករង្វាន់លើកទី3។ អតិថិជនដែល...

ឧសភា, ថ្ងៃ​ព្រហស្បតិ៍ 31, 2018

ការពង្រីកបណ្តាញសេវាយ៉ាងឆាប់រហ័សរបស់សែលកាត​ លើសេវា 4G  នៅប្រទេសកម្ពុជានៅឆ្នាំ ...