សែលកាតឈ្នះពានរង្វាន់ក្រុមហ៊ុនទូរគមនាគមន៏ជាទីទុកចិត្តបំផុតនៅប្រទេសកម្ពុជា

ថ្ងៃចេញផ្សាយ: កក្កដា, ថ្ងៃ​អង្គារ 04, 2017

ក្នុងកម្មវិធី​​​ 4G LTE Conference នាថ្ងៃនេះ សែលកាតបានប្រកាសថា​ ខ្លួនជាក្រុមហ៊ុនទូរទូរគមនាគមន៏ដែលជាទីទុកចិត្តបំផុតនៅប្រទេសកម្ពុជា។

ពានរង្វាន់នេះទទួលបានខណៈពេលដែលបណ្តាញសេវាអ៊ីនធើណិតរបស់សែលកាតឈានដល់ចំណុចកំពូលជាមួយនឹងបណ្តាញសេវាធំបំផុតនិងលឿនបំផុតនៅកម្ពុជា​។

នាយកប្រតិបត្តិ ក្រុមហ៊ុនសែលកាត​ លោក អៀន វ៉ាតសុន មានប្រសាសន៍ថា ពានរង្វាន់នេះជាការជុំរុញទឹកចិត្តក្រុមការងាររបស់លោកចំពោះការខិតខំប្រឹងប្រែងរបស់ពួកគេ។

លោកបានបន្តទៀតថា​​ យើងបានតំឡើង​អង់តែន​ 4G របស់យើង​នៅ​​ 200 កន្លែង កាលពីឆ្នាំ 2016  និងរហូតដល់ ជាង​​​  2000 កន្លែង​ នាបច្ចុប្បន្ននេះ។​ យើងរំពឹងថាចំនួន​អង់តែននឹងកើនឡើងរហូតដល់ 3000 កន្លែង​ត្រឹមចុងឆ្នាំនេះ។​

ល្បឿននៃការ ដោនឡូតអតិបរមារបស់យើង អាចកើនឡើងរហូតដល់ជាង 50 Mbps ដែលអាចជុំរុញឲ្យប្រទេសកម្ពុជាក្លាយជាប្រទេសមួយដែលមានបណ្តាញអ៊ីនធើណិតលឿនបំផុតនៅក្នុងតំបន់​​ ក៏ដូចជាក្នុងពិភពលោក។​

ដំណើរការពង្រីកបណ្តាញសេវារបស់យើងនឹងកាន់តែខ្លាំងនៅពេលដែលយើងធ្វើការសាកល្បង បំពាក់បណ្តាញ 5G នៅខែធ្នូខាងមុខនេះ។

សែលកាតបានបង្ហាញពី សេវាកម្ម Big Love ចុងក្រោយបំផុតរបស់ខ្លួន ក្នុងកម្មវិធីនេះ ហើយក៏បានបញ្ជាក់ផងដែរថា ការផ្តល់ជូននូវអ៊ីនធើណិតក្នុងកញ្ចប់សេវា Big Love នេះ ធ្វើឲ្យការប្រើប្រាស់អ៊ីនធើណិតលើបណ្តាញសេវារបស់យើងមានការកើនឡើងយ៉ាងខ្លាំង។​

លោកបានបន្តទៀតថា ការប្រើប្រាស់ទន្និន័យអ៊ីនធើណិតជាមធ្យមសម្រាប់អ្នកប្រើប្រាស់ម្នាក់ បានកើនឡើងពី 100MB រហូតដល់​ជាង 300MB។

យើងនៅតែបន្តការផ្តោតសំខាន់ទៅលើបេសកកម្មរបស់យើងចំពោះការផ្តល់អ៊ីនធើណិតក្នុងតម្លៃសមរម្យសម្រាប់ប្រជាជនកម្ពុជា។​

 

លោក វ៉ាតសុន ក៏បានប្រកាសពីកម្មវិធី​​ Super Data Race 2 ដែលនឹងប្រារព្ធឡើងនៅខេត្តសៀមរាប​ នៅថ្ងៃ 9 កក្កដា​ ដែលកម្មវិធីនេះក៏ជាផ្នែកមួយនៃយុទ្ធសាស្ត្ររបស់យើងដើម្បីជុំរុញការប្រើប្រាស់ទន្និន័យអ៊ីនធើណិតនៅតាមបណ្តាខេត្តផងដែរ។

អ្នកឈ្នះកម្មវិធីនេះនឹងទទួលបាន ទឹកប្រាក់សុទ្ធ $5000  ម៉ូតូ Zoomer X និងទូរស័ព្ទ IPhone ម៉ូដែលចុងក្រោយបំផុត។​

មិនតែប៉ុណ្ណោះ អ្នកចូលរួមក៏ទទួលបានបទពិសោធន៏អ៊ីនធើណិតល្បឿនលឿនបំផុត និងទុកចិត្តបំផុត។​យើងចង់ផ្សព្វផ្សយពីបណ្តាញសេវារបស់យើងជាមួយបទពិសោធន៏របស់យើងទៅកាន់អ្នកនៅខេត្តសៀមរាប។​

លោកបានបញ្ជាក់ទៀតថា​​ ជាមួយនិងជោគជ័យនិងការពង្រឹងសេវា​របស់យើង​ នេះជាការសន្យាយ៉ាងមុតមាំរបស់យើង​ដើម្បីក្លាយជាក្រុមហ៊ុនទូរគមនាគមន៏របស់ខ្មែរដែលមានបណ្តាញសេវាល្អបំផុតនិងការផ្តល់ជូនល្អបំផុត។​

    

អ្នកក៏អាចអានផងដែរ

កក្កដា, ថ្ងៃ​អង្គារ 17, 2018

យុវទូតរបស់សែលកាត ប្អូនស្រី កៃ ណាវីន បានចុះកម្មសិក្សារយៈពេល 3 ខែក្រោមការបង្ហាត...

កក្កដា, ថ្ងៃ​ច័ន្ទ 09, 2018

សែលកាតបន្ថែមសមាជិកឯកអគ្គរដ្ឋទូតសុឆន្ទៈរបស់ខ្ឡួន ម្នាក់ទៀត កញ្ញាតី ដែលជាអ្នកច...

កក្កដា, ថ្ងៃ​ពុធ 04, 2018

នៅថ្ងៃនេះ ក្រុមហ៊ុនសែលកាត បានប្រកាសពីការប្រគល់រង្វាន់ដែលមានតំលៃជាង2លានដុល្លារ...

មិថុនា, ថ្ងៃ​អង្គារ 19, 2018

ថ្ងៃនេះ​​​សែលកាតបានប្រកាសពីការនៅតែបន្តគាំទ្រយុទ្ធនាការកុំប្រើទូរស័ព្ទពេលបើកបរ...