សែលកាតនៅតែរក្សាតំណែង ជាក្រុមហ៊ុនអ៊ីនធើណិតលឿនជាងគេបំផុត ពីការធ្វើតេស្តរបស់ Ookla | សែលកាត

សែលកាតនៅតែរក្សាតំណែង ជាក្រុមហ៊ុនអ៊ីនធើណិតលឿនជាងគេបំផុត ពីការធ្វើតេស្តរបស់ Ookla

ថ្ងៃចេញផ្សាយ: មេសា, ថ្ងៃ​ច័ន្ទ 02, 2018

លទ្ធផលចុងក្រោយបំផុតពី Ookla លើការធ្វើតេស្តល្បឿនអ៊ីនធើណិត នៅក្នុងប្រទេសកម្ពុជា បានប្រកាសថា ក្រុមហ៊ុនសែលកាត នៅតែជាក្រុមហ៊ុនបណ្តាញទូរស័ព្ទចល័តលឿនជាងគេបំផុត នៅក្នុងប្រទេសកម្ពុជា។​

លទ្ធផលនេះ​ គឺជាទន្និន័យនៃការធ្វើតេស្តដែល​​ Ookala ប្រមូលបានចាប់ពីខែ កក្កដា ដល់ខែ​ធ្នូ ឆ្នាំ 2017។ ​សែលកាត បានទទួលពិន្ទុសរុប លើការធ្វើតេស្តល្បឿន 19.64 ដែលការធ្វើតេស្តកាលពីឆ្នាំមុន ចាប់ពីខែ មករា ដល់មិថុនា 2017 មានល្បឿនត្រឹមតែ 13.81 តែប៉ុណ្ណោះ។​

ជ័យលាភីនេះគឺ សែលកាតទទួលបានបន្ទាប់ពី ការឈ្នះពានរង្វាន់លើល្បឿន អ៊ីនធើណិតពី OpenSignal ដែលបានប្រកាសក្នុង សន្និសិទ្ធទូរស័ព្ទពិភពលោក កាលពីខែកុម្ភះ។​

នាយកប្រតិបត្តិក្រុមហ៊ុនសែលកាត លោក អៀន វ៉ាតសុន​ បានលើកឡើងថា លទ្ធផលពី Ookla នេះ គឺជាសម្មតិផលថ្មីមួយទៀត បន្ទាប់ពីយើង ធ្វើការពង្រីកវិសាលភាព បណ្តាញសេវារបស់យើង កាលពីដើមខែ មករា ឆ្នាំ 2017 ដែលយើងមានអង់តែនរហូត ដល់ 200 កន្លែង។

លោកបានបន្តទៀតថា សព្វថ្ងៃនេះ យើងមានអង់តែនរហូតដល់ 3000 កន្លែងដែលអាច ឲ្យអតិថិជនរហូតរីករាយជាមួយអ៊ីនធើណិត ល្បឿនលឿនរបស់យើង។

“បណ្តាញសេវារបស់យើងមានការកើនឡើង 400% លើការប្រើប្រាស់ទន្និន័យអ៊ីនធើណិតចាប់តាំងពីខែមករា ឆ្នាំ​ 2017 ដែលយើងសង្គេតឃើញថា អតិថិជនប្រើច្រើនជាងទ្វេដងជាមធ្យម។”

“ក្នុងនាមជាក្រុមហ៊ុន ទូរទមនាគមន៍ឈានមុខគេ សែលកាត នៅតែបន្តផ្តល់នូវការ ប្រើប្រាស់អ៊ីនធើណិតក្នុងតម្លៃសមរម្យបំផុត និងលឿនបំផុត​ដើម្បីលើកស្ទួយ ដំណើរការអភិវឌ្ឍន៍របស់ប្រទេសយើង។​”

ដើម្បីកំណត់ពីអ៊ីនធើណិតដែលមាន ល្បឿនលឿនបំផុត នៅក្នុងប្រទេសកម្ពុជា​​ Ookla​ បានធ្វើការប្រៀបធៀប លទ្ធផលនៃការ ធ្វើតេស្តរបស់អ្នកប្រើប្រាស់ម្នាក់ៗ ដែលធ្វើតេស្ត

លើកម្មវិធីទូរស័ព្ទ Speedtest​ នៅលើ iOS និង Android ពីអ្នកប្រើប្រាស់ទន្និន័យអ៊ីនធើណិតទាំងអស់នៅក្នុងប្រទេសកម្ពុជា​ មុនកំលុងពេលប្រគល់ពានរង្វាន់។​

សម្រាប់ព័ត៌មានបន្ថែម៖ ចុចទីនេះ

អំពី Ookla

Ookla គឺជាក្រុមហ៊ុនដែលផ្ដោតលើការធ្វើតេស្ដល្បឿនអ៊ីនធើណិត (Speedtest ) ហើយគឺជាអ្នកនាំមុខគេក្នុងការធ្វើតេស្ត និងវិភាគលើអ៊ីនធើណិត ដែលត្រូវបានគេប្រើប្រាស់ជាង 15 ពាន់លានដងនៅទូទាំងពិភពលោក។​ ការធ្វើតេស្ដល្បឿន (Speedtest )ដោយ Ookla គឺជាមធ្យោបាយត្រឹមត្រូវបំផុតក្នុងការវាស់ស្ទង់ល្បឿន លើបណ្តាញអ៊ីនធឺណិត។ Speedtest ផ្តល់ជូននូវទិន្នន័យ ដ៏ជាក់លាក់អំពីល្បឿន និងគុណភាពនៃទូរស័ព្ទចល័ត និងទំហំបណ្ដាញទូលំទូលាយ។ នេះនឹងផ្តល់ឱ្យអតិថិជននូវព័ត៌មានដែលពួកគេត្រូវការ ដើម្បីស្វែងយល់ និងដោះស្រាយនូវរាល់បញ្ហា បទពិសោធន៍អ៊ីនធើណិតរបស់ពួកគេ។ Ookla ជាអ្នកប្រែក្លាយ ការធ្វើតេស្តរាប់ពាន់លាន នៅលើពិភពលោកទាំងនេះ ទៅជាឧបករណ៍ស្រាវជ្រាវសំខាន់ៗ។ ផលិតផលសហគ្រាសធំបំផុតរបស់ក្រុមហ៊ុន Ookla គឺ Speedtest Intelligence ដែលត្រូវបានប្រើប្រាស់ដោយ អ្នកផ្តល់សេវាអ៊ីនធើណិត ក្រុមហ៊ុនដឹកជញ្ជូន ក្រុមហ៊ុននានា សាកលវិទ្យាល័យ និងភ្នាក់ងាររដ្ឋាភិបាល ដែលជឿជាក់លើការផ្ដល់ជូនរបស់ Ookla ដែលប្រកបដោយគុណភាព និងអព្យាក្រិត្យ។ មានទីស្នាក់ការកណ្តាលស្ថិតនៅរដ្ឋធានីវ៉ាស៊ីនតោន និងការិយាល័យបន្ថែមទៀតនៅទីក្រុង Dublin ប្រទេសអៀរឡង់ Ookla បានផ្តល់នូវការយល់ដឹងទូលំទូលាយទូទាំងពិភពលោក ដល់ឧស្សាហកម្មទូរគមនាគមន៍តាំងពីឆ្នាំ 2006 មកម្ល៉េះ។

អ្នកក៏អាចអានផងដែរ

មិនា, ថ្ងៃ​សុក្រ 15, 2019

#gallery-1 { margin: auto; } #gallery-1 .gallery-item { ...

មិនា, ថ្ងៃ​ព្រហស្បតិ៍ 07, 2019

ទទួលយករង្វាន់ជាច្រើនសន្ធឹកសន្ធាប់នាឱកាសបុណ្យចូលឆ្នាំខ្មែរដែលនឹងជិតមកដល់នេះ! ស...

មិនា, ថ្ងៃ​សុក្រ 01, 2019

Cellcard’s 4G LTE network has yet again been awarded for its speeds – this ti...

កុម្ភៈ, ថ្ងៃ​អង្គារ 26, 2019

ក្រុមហ៊ុន Cellcard នៅថ្ងៃនេះ ត្រូវបានប្រកាសជាផ្លូវការលើឆាកអន្តរជាតិ ក្នុងសន្ន...

សែលកាតឈ្នះពានរង្វាន់បណ្ដាញសេវាអ៊ីនធើណិតលឿនជាងគេបំផុតនៅកម្ពុជា !