ព័ត៌មានអំពីសែលកាត

សែលកាតជាក្រុមហ៊ុនទូរស័ព្ទចល័តរបស់កម្ពុជា ដែលបានចាប់ដំណើរការអាជីវកម្មជាង 20ឆ្នាំ ហើយជាក្រុមហ៊ុនទូរស័ព្ទចល័តដ៏ធំជាងគេមួយក្នុងប្រទេស។

ការប្តេចជ្ញាចិត្ត របស់ក្រុមហ៊ុនក្នុងការផ្តល់បច្ចេកវិទ្យាទូរស័ព្ទ និងទំនាក់ទំនងទៅអោយប្រជាជនកម្ពុជាបានក្លាយជាប្រវត្តិសាស្រ្តនៃភាពនាំមុខគេរួមមាន​វិសាលភាពនៃបណ្តាញសេវាទូទាំងប្រទេស សេវាបង់ប្រាក់ជាមុន (1998) សារជាអក្សរ​ សេវា Roaming (2001) សេវា 3G និងសេវា Streaming(2005) សេវាចែករំលែកលុយទូរស័ព្ទ​(​2006) សេវា​ហិរញ្ញវត្ថុតាមទូរស័ព្ទ​(2010) និងកម្មវិធីលើកទឹកចិត្តធំជាងគេ​(2013)។ សែលកាតផ្តោតសំខាន់លើស្តង់ដាគុណភាព​​ គុណតម្លៃ​ និងសេវាអតិថិជន។

ចាប់ពីឆ្នាំ​ 2017 សែលកាតបាននាំមុខគេក្នុងបច្ចេកវិទ្យាបណ្តាញសេវាទូរស័ព្ទ​ ហើយទទួលបានការទទួលស្គាល់ពីអន្តរជាតិសម្រាប់ការពង្រីកបណ្តាញសេវា 4G បានយ៉ាងឆាប់រហ័សគ្រប់ដណ្តប់រហូតដល់ 95% នៃផ្ទៃប្រទេស។

សែលកាតបច្ចុប្បន្នទទួលបានពានរង្វាន់ Ookla 2017 និងពានរង្វាន់ OpenSignal 2018 ក្នុងនាមជា បណ្តាញសេវា​ 4G លឿនជាងគេ និង បណ្តាញសេវាទូទៅលឿនជាងគេ។ នាពេលបច្ចុប្បន្ននេះ ក្រុមហ៊ុនកំពុងតែផ្តោតលើការផ្តល់ជូនសេវា Pre5G ជាមួយក្រុមហ៊ុន ZTE ដែលជាស្ពានភ្ជាប់​ពី 4G ទៅ 5G។

សែលកាតមិនត្រឹមតែជាជើងឯកលើសេវាអុីនធើណិតចល័តនោះទេ ហើយក៏ជាអ្នកដែលបានផ្តល់ជូនគម្រោងអុីនធើណិត ដូរលុយអស្ចារ្យ   $1=$100 និង BIGLOVE $1=$500 ដែលមានតម្លៃសមរម្យជាងក្នុងប្រទេសកម្ពុជា។ គម្រោង ដូរលុយអស្ចារ្យ   មានសុពលភាពវែងជាងគេនិងមានភាពបត់បែនងាយស្រួលប្រើសម្រាប់ទាំងហៅទូរស័ព្ទ និងលេងអុីនធើណិត។​ ចំនែកឯ BIGLOVE ជាគម្រោងដែលផ្តល់អុីនធើណិតច្រើន ហើយក៏មានផ្តល់ជូនគម្រោងតម្លៃ $2 និង $8 ដែលអ្នកអាចចែករំលែកការប្រើប្រាស់ជាមួយមិត្តនិងគ្រួសារ។

ចាប់តាំងពីសែលកាតបានចាប់ដំណើរការបណ្តាញសេវា 4G និងការផ្តល់ជូនអុីនធើណិតដ៏ច្រើន បានធ្វើអោយមានការកើនឡើងចំនួនអ្នកប្រើប្រាស់អុីនធើណិតតាមទូរស័ព្ទចំនួន 36% នៅក្នុងប្រទេសយោងតាមរបាយការណ៏ (The Role of Mobile Telecoms in Transforming Cambodia 2017)។របាយការណ៏នោះបានបង្ហាញថា ការកើនឡើងនេះបានជួយបង្កើន GDP កម្ពុជារហូតដល់ 2.87% ដែលមានតម្លៃរហូតដល់ 609,588,000 ដុល្លារ។

ក្នុងនាមជាក្រុមហ៊ុនកម្ពុជា សែលកាតប្តេជ្ញាចិត្តបម្រើសេវាដល់ប្រទេសនិងប្រជាជនកម្ពុជា ដោយធ្វើអោយសេវាទូរស័ព្ទកាន់តែមានតម្លៃសមរម្យសម្រាប់គ្រប់គ្នា និងជួយដល់ការកើនឡើងសេដ្ឋកិច្ចរបស់ប្រទេសជាតិ។

សែលកាត ជាស្លាកសញ្ញាមួយរបស់ក្រុមហ៊ុន CamGSM Co. Ltd  ដែលបានចាប់ដំណើរការចាប់ពីឆ្នាំ 1996 ដោយមានភាគហ៊ុន Millicom International Cellular S.A. ដែលមានទីទាំងនៅប្រទេស Luxembourg មានភាគហ៊ុនចំនួន 61.5% និង Royal Group of Companies (38.5%)។ Royal Group of Companies បានទិញយកភាគហ៊ុនទាំងអស់កាលពីខែ វិច្ជិកា ឆ្នាំ 2009។

បច្ចុប្បន្ន ក្រុមហ៊ុនសែលកាតជាមួយក្រុមហ៊ុនទូរស័ព្ទចល័តតែមួយគត់របស់កម្ពុជាតែមួយគត់ក្នុងប្រទេស។

 

សម្រាប់ពានរង្វាន់របស់យើង ចុចទីនេះ

សម្រាប់ព័ត៌មានថ្មីពីការកសាងបណ្តាញសេវារបស់យើង ចុចទីនេះ

 

ពាក់ព័ន្ធ

ព្រឹត្តិការណ៍ព័ត៌មាន

សិក្សាបន្ថែម

ទំនាក់ទំនងមកយើងខ្ញុំ

សិក្សាបន្ថែម